Кинотанушы, кинорежиссер, Қазақстан кинематографистер одағының мүшесi, Қазақстан Республикасының «Құрмет» және Француз Республикасының «Әдебиет және өнер» ордендерінiң кавалері, Платиналы «Тарлан» Тәуелсiз сыйлығының лауреаты Дәрежан Өмірбаевтың 60 жас мерейтойына орай ұйымдастырылған фильмдерінің ретроспективасы өтіп жатқаны белгілі. Бұл дөңгелек үстелді бір жарым ай бойы көрсетілген ретроспективаның қорытындысы деуге болады.

Дөңгелек үстелге мерейтой иесі Д.Өмірбаев, "Тұран" университетінің оқу ісі жөніндегі проректоры Қали Қабдиев, режиссерлер Ерлан Нұрмұхамбетов, Жаңабек Жетіруов және кинотанушылар Баубек Нөгербек, Әлімақын Жанболат қатыстып, модераторлық тізгінді кинотанушы, PhD Молдияр Ергебеков ұстады.