«Rıeltor» fılminde ótkeni de, bolashaǵy da bulyńǵyr Darık esimdi ómirden adasqan jigittiń ómiri baıandalady. Bir kúni ol belgisiz bir jerde esin jıyp, óńi me, túsi me, eshteńe túsine alar emes. Tabıǵatpen ońasha qalǵan Darık aman qalý úshin qalada úırengen barlyq amal-tásilderin eske alýǵa májbúr bolady. Biraq munda, keń dalada, eń aldymen, ózińniń kishkentaı taıpańdy jınaý qajet...
«Máskeýlik tusaýkeser» festıvalin TMD Memleketaralyq gýmanıtarlyq yntymaqtastyq qory qoldaýymen «Eki Andreı» atty mádenıet jáne kınematografııany qoldaý qory uıymdastyrǵan. Festıvalge Ázirbaıjan, Armenııa, Belarýs, Qazaqstan, Qyrǵyzstan, Moldova, Reseı, Ózbekstan, Ýkraına, Tájikstan, Grýzııa, Lıtva, Latvııa jáne Estonııa syndy elderdiń kınogerleri qatysady. Festıval sheńberinde ár túrli formattaǵy 40 fılm kórsetilip, tanymal rejısser Kıra Mýratovanyń (1934 – 2018) eske alý keshi ótkiziledi. Sonymen qatar, is-shara barysynda otandyq «Ine» fılminiń (rejısseri Rashıd Nuǵymanov) 30 jyldyǵyna oraı arnaıy kesh uıymdastyrylmaq.
Aıta ketsek, «Rıeltor» fılmi 2011 jyly Anapada ótken «Kınoshok» kınofestıvalinde qazylar alqasynyń arnaıy júldesine jáne Sankt-Peterborda ótken «Deboshırfılm — Chıstye grezy-XIV» halyqaralyq festıvalinde «Tabylǵan adam úshin» arnaıy júldesine ıe boldy. Sondaı-aq Ádilhan Erjanovtyń fılmi «Kınolıkbez» (Barnaýl, Reseı, 2012) kınofestıvalinde bas júldege qol jetkizip, 10-shi Sháken juldyzdary festıvalinde «Úzdik tolyqmetrli fılm» júldesin aldy. Odan bólek bul kınotýyndy Seýlde ótken VI CINDI atty sandyq kıno festıvalinde White Chameleon Award júldesimen jáne «Úzdik debıýt» nomınaııasy boıynsha ulttyq «Qulager» júldesimen marapattalǵan bolatyn.