Т.Қ.Жүргенов атындағы Қазақ ұлттық өнер академиясы талапкерлерді ынталандыру мақсатында «5В041600 – Өнертану» мамандығының «Кинотану» және «Кинотеледраматургия» мамандандырулары бойынша 2018 жылы 26 ақпанынан бастап Республика көлемінде шығармашылық жазба жұмыстары байқауын жариялайды.
Байқау екі кезеңде өтеді.
Бірінші кезең мерзімі: 26.02 - 19.03
Екінші кезең мерзімі: 26.03 - 09.04
Бірінші кезең қорытындысы бойынша анықталған үздік шығарма екінші кезеңге өтеді. Байқау жеңімпазының жетістігі 2018-2019 оқу жылына қабылданатын талапкерлердің шығармашылық емтиханында ескеріледі. Байқау нәтижесі бойынша жоғарғы балл алған талапкерге 1, 2, 3 орынға сертификат беріліп, грантқа түсуге мүмкіндігі артады.
Байқау талаптары:
Бірінші кезеңде «Кинотану» мамандандыруы бойынша талапкерлер Қазақстанның заманауи фильміне рецензия жазуы керек. «Кинотеледраматургия» мамандандыруы бойынша талапкерлер еркін тақырыпта әңгіме жазуы керек.
Екінші кезеңде «Кинотану» мамандандыруы бойынша талапкерлер «Бүгінгі таңдағы қазақ киносы» тақырыбында мақала жазуы керек. «Кинотеледраматургия» мамандандыруы бойынша талапкерлер еркін тақырыпта скетч жазады.
Байқауға ұсынылатын жұмыстар талапкерлердің жеке авторлығымен жазылуы қажет. Плагиат анықталған жағдайда жұмыс қарастырылмайды. Талапкерлер қазақ, орыс, ағылшын тілдерін жоғары деңгейде меңгеруі қажет.
Байқаудың жұмыс тілдері: қазақ, орыс және ағылшын тілдері.
2018 жылдың 15 наурызына дейін ұйымдастыру комитетінің электрондық поштасына мақала мәтінін (файлдың атауы: автордың аты-жөні, мақала) жіберу қажет.
Конкурстық жұмысты рәсімдеуге қойылатын талаптар: көлемі – 5 бетке дейін, мәтін редакторы – Microsoft Word, қаріп түрі – Times New Roman; қаріп өлшемі – 14. Автордың аты-жөні, оқитын оқу орны, E-mail, байланыс нөмірі көрсетілсін.
Жұмыстарды мына поштаға жіберулеріңізді сұраймыз kinotanuktd@mail.ru
Аталған мамандыққа қызуғышылық танытқан талапкерлерді Т.Қ.Жүргенов атындағы Қазақ ұлттық өнер академиясына хабарласуына мүмкіндік жасауыңызды сұраймыз.
Біздің мамандық туралы мәліметтермен www.kaznai.kz сайтынан кеңінен танысуға болады.
Қосымша ақпарат үшін келесі телефондарға қоңырау шалыңыз:
8 707 177 00 72 «Кинотану» мамандандыруы,
8 702 310 01 84 «Кинотеледраматургия» мамандандыруы.
Ұйымдастырушы:
«Өнертану» факультеті, «Кино тарихы мен теориясы» кафедрасы
тел.: +7 727 261 62 81