Atyraýda Rahymjan Otarbaev atyndaǵy teatr festıvali ótýde

18-22 qarasha aralyǵynda R.Otarbaev atyndaǵy III Respýblıkalyq teatr festıvali ótedi
Atyraýda Rahymjan Otarbaev atyndaǵy teatr festıvali ótýde

Jazýshy, dramatýrg, Qazaqstannyń eńbek sińirgen qaıratkeri, Halyqaralyq Shyńǵys Aıtmatov atyndaǵy akademııasynyń akademıgi, Parasat ordeniniń ıegeri Rahymjan Otarbaev atyndaǵy Respýblıkalyq drama teatrlar festıvali bıyl úshinshi jyl dástúrli túrde uıymdastyrylýda. Festıvalge elimizdiń ár aımaǵynan kelgen toǵyz teatr ujymy óz ónerlerin usynbaq. Olardyń tizimi tómendegideı:

1. Q.Qýanyshbaev atyndaǵy qazaq memlekettik akademııadlyq drama teatry (Nur-Sultan); 

2. R.Seıtmetov atyndaǵy sazdy drama teatry (Túrkistan);

3. Q.Jandarbekov atyndaǵy drama teatry (Jetisaı);

4. N.Jantórın atyndaǵy Mańǵystaý oblystyq mýzykalyq drama teatry (Aqtaý);

5. T.Ahtanov atyndaǵy Aqtóbe oblystyq drama teatry;

6. J.Shanın atyndaǵy akademııalyq qazaq drama teatry (Shymkent); 

7. Aqmola oblystyq orys drama teatry (Kókshetaý);

8. S.Seıfýllın atyndaǵy Qaraǵandy oblystyq qazaq drama teatry;

9. Mahambet atyndaǵy akademııalyq qazaq drama teatry (Atyraý);

Atalǵan óner ujymdaryna baǵa beretin ádil qazylar alqasynyń quramynda – Qazaqstannyń Eńbek eri, KSRO Halyq ártisi, Memlekettik syılyqtyń ıegeri, festıval tóraǵasy Asanáli Áshimov, QR Halyq ártisi, professor, «Parasat» ordeniniń ıegeri, rejısser Esmuhan Obaev, Memlekettik syılyqtyń  ıegeri, Qazaqstannyń  eńbek  sińirgen  ártisi, rejısser Serdesh Qajymuratuly, QR  Halyq  ártisi, professor,  rejısser Talǵat Temenov, jazýshy, ádebıettanýshy, Qazaq Ulttyq óner  ýnıversıtetiniń oqytýshysy, QR  Jazýshylar  odaǵynyń  múshesi Ularbek Nurǵalymuly, teatr synshysy, ónertaný ǵylymdarynyń magıstri Aızat Qadyralıeva jáne jýrnalıst Qarakóz  Rahymjanqyzy bar. Olar teatrlardy júldeli oryndarmen qatar, kelesidegideı nomınaııalarmen marapattaıtyn bolady:

"Eń úzdik er adam beınesi",

"Eń úzdik áıel beınesi";

"Úzdik rejıssýra";

"Úzdik senografııa";

"Kórermen kózaıymy";

"Arnaıy nomınaııa".


Festıval Atyraý oblysy ákimdiginiń qoldaýymen Oblystyq mádenıet, arhıvter jáne qujattama basqarmasy, Mahambet atyndaǵy Akademııalyq qazaq drama teatry jáne
R.Otarbaev atyndaǵy «Rýhanııat» qorynyń uıymdastyrýymen ótedi.

Spektaklderdiń ótetin orny "Jastar" men "Qurmanǵazy" mádenıet úıleri.