Ádilhan Erjanovtyń «Sary mysyq» fılmi Veneııa kınofestıvaline qatysady

Ádilhan Erjanovtyń «Sary mysyq» fılmi Veneııa kınofestıvaline qatysady

Rejısser Ádilhan Erjanovtyń «Sary mysyq» kórkem fılmi 77 Veneııa halyqaralyq kınofestıvaliniń  «Kókjıekter» konkýrstyq baǵdarlamasyna qatysady. Álemniń eń iri jáne bedeldi festıvalderiniń biri bıyl 2-12 qyrkúıek aralyǵynda tolyqqandy jandy formatta ótedi. «Kókjıekterdiń» halyqaralyq qazylar alqasyn ataqty franýz kınematografy Kler Denı («Jaqsy jumys», «Ishtegi jaıdarly shýaq», «Aqsúıekter qoǵamy») basqarady. Kartınany Short Brothers (Qazaqstan) kompanııasynyń jáne «Qazaqfılm» (Qazaqstan) men Arizona Productions (Franııa) kınostýdııalarynyń qatysýymen ZERDE FILMS (Qazaqstan) kompanııasy túsirgen.

«Sary mysyq» - rejısser Erjanovtyń toǵyzynshy tolyqmetrli kórkem fılmi. Túsirilimi byltyr Almaty oblysynda ótti. Bas prodıýser mindetin Ásel Sádýaqasova, Qanat Bıtemirov jáne Erbol Toıbaev atqardy.

- Men úshin Kermek – jazǵan keıipkerlerimizdiń ishindegi eń meıirimdisi, onyń qazirgideı kúrdeli ýaqytta paıda bolýynda da mán bar. «Kókjıekter» úshin de rızamyn. Meniń oıymsha Veneııanyń jandy formaty – qazirgi kezde kez-kelgen premera úshin mártebe. Komandaǵa jáne irikteýshilerge osyndaı múmkindik bergeni úshin alǵys aıtamyn, - dedi Ádilhan Erjanov.

Fılm qazaqstandyq «Bonnı men Klaıdtyń» oqıǵasyn baıandaıdy dese de bolady. Kermek degen jas jigit túrmeden týǵan qalasyna oralady. Bul mekendi qylmystyq top ıemdenip alyp, óziniń zańdaryn ornatqan. Eva degen ǵashyǵy osy adamdardyń qysym kórsetýimen teris jolǵa túsip ketken, Kermek te qylmysqa belshesinen batýǵa májbúr bolady. Degenmen, ol súıgen qyzben birge erkindikke qol jetkizip, kınoteatr salý týraly armanyn tastamaıdy. Basty keıipker qalaı da osy maqsatyn iske asyrmaq bolady...

Kermekti Reseı akteri Azamat Nyǵmanov oınaıdy. Ony kórermender Alekseı Mızgırevtiń «Konvoı», Andreı Shalopanyń «28 panfılovshy» kartınalary arqyly biledi. Eva rólinde Narıman Tórebaevtyń «Úlken qaladaǵy lastyq», Álisher Súleımenovtyń «Shatyr ústindegi bult» kartınalaryna túsken qazaqstandyq jas aktrısa Kamıla Nuǵmanova oınaıdy. Eki akter de Erjanovtyń kartınasyna alǵash ret túsip otyr. Jambas degen qylmys serkesin osyǵan deıin rejısserdiń «Atbaıdyń shaıqasy» jáne «Ulbolsyn» fılmderine túsken akter Sanjar Mádı oınaıdy. Sonymen qatar, akterlik quramda Erkin Ǵubashev pen Erjan Jamanqulov bar, olar Erjanovpen osyǵan deıin de jumys istegen.

Senarıdi Ádilhan Erjanov pen Inna Smaılova jazdy. Rejısserdiń turaqty áriptesteri Serik Ábishev pen Olga Hlaeva ádettegideı prodıýser boldy. Franýz mamany Gııom de Sıel ko-prodıýser qyzmetin atqardy. Operatory – Erkinbek Pitirálıev, osyǵan deıin Erjanovtyń «Úkili kámshat» jáne «Atbaıdyń shaıqasy» fılmderin taspalady. Qoıýshy-sýretshi Ermek Ótegenov te rejısserdiń turaqty seriktesi. Fılm mýzykasyn qazaqstandyq tanymal kompozıtor Álim Zaırov jazdy.