Екінші маусымның оқиға желісі Жәнібек пен Керей хандардың Әбілқайыр Шайбани ұрпақтарымен Қазақ хандығының Сығанақтағы тағы үшін таласы айналасында өрбиді. Фильмнің сценарийі Ілияс Есенберлиннің «Алмас қылыш» романының негізінде жазылған.
«Қазақ хандығы» киносериалының екінші маусымы – «Қазақ хандығы. Алтын тақ» фильмін ҚР Мәдениет және спорт министрлігінің тапсырысы бойынша «Centaurus Rustem Abdrashev production» ЖШС-нің қатысуымен Ш.Айманов атындағы «Қазақфильм» киностудиясы түсірген. Аталған фильм биыл наурыз айында прокатқа шыққан болатын.
Айта кетсек, өткен аптада «Қазақ хандығы. Алтын тақ» фильмі Парижде өткен Қазақ киносының фестивалі аясында көрсетіліп, «Үздік тарихи туынды» естелік жүлдесімен марпатталды. Ұйымдастырушылар бұл сыйлықты фильмді көрермендерге таныстыру үшін Францияға арнайы барған режиссер Рүстем Әбдірашев және актриса Мадина Есмановаға табыстады.
Анықтамалық ақпарат:
Өндірісі: Ш.Айманов атындағы «Қазақфильм» АҚ «Centaurus Rustem Abdrashev production» ЖШС-нің қатысуымен
Қоюшы-режиссері: Рүстем Әбдірашов
Сценарий авторлары: Смағұл Елубай, Тимур Жақсылықов, Рүстем Әбдірашов
Қоюшы суретші: Мұрат Карипов
Қоюшы операторлары: Сапар Койчуманов, Александр Плотников
Костюм жөніндегі суретші: Ажар Әубәкірова
Жанры: Тарихи драма
Хронометражы: 111 минут
Тілі: қазақ тілі және «Нева» (Санкт-Петербург) студиясында орыс тіліне дубляждалған
Грим жөніндегі суретші: Сергей Маурин
Бас продюсері: Арман Әсенов
Композиторы: Әбілқайыр Әбдіраш
Диалог текстерінің авторы: Ерлан Төлеутай
Басты рөлде: Қайрат Кемалов, Еркебұлан Дайыров, Досхан Жолжақсынов, Иісбек Әбілмәжинов, Аян Өтепберген, Мейірғат Амангелдин, Ниязбек Шайсұлтанов, Бекболат Тілеухан, Арман Қожа, Шұғыла Сапарғали, Мадина Есманова, Ғазиза Тілеубай, Қарлығаш Мұхамеджанова, Іңкәр Әбдіраш, Фариза Ескермесова, Әшілер Сүлейменов және басқалар.