Ekinshi maýsymnyń oqıǵa jelisi Jánibek pen Kereı handardyń Ábilqaıyr Shaıbanı urpaqtarymen Qazaq handyǵynyń Syǵanaqtaǵy taǵy úshin talasy aınalasynda órbıdi. Fılmniń senarııi Ilııas Esenberlınniń «Almas qylysh» romanynyń negizinde jazylǵan.
«Qazaq handyǵy» kınoserıalynyń ekinshi maýsymy – «Qazaq handyǵy. Altyn taq» fılmin QR Mádenıet jáne sport mınıstrliginiń tapsyrysy boıynsha «Centaurus Rustem Abdrashev production» JShS-niń qatysýymen Sh.Aımanov atyndaǵy «Qazaqfılm» kınostýdııasy túsirgen. Atalǵan fılm bıyl naýryz aıynda prokatqa shyqqan bolatyn.
Aıta ketsek, ótken aptada «Qazaq handyǵy. Altyn taq» fılmi Parıjde ótken Qazaq kınosynyń festıvali aıasynda kórsetilip, «Úzdik tarıhı týyndy» estelik júldesimen marpattaldy. Uıymdastyrýshylar bul syılyqty fılmdi kórermenderge tanystyrý úshin Franııaǵa arnaıy barǵan rejısser Rústem Ábdirashev jáne aktrısa Madına Esmanovaǵa tabystady.
Anyqtamalyq aqparat:
Óndirisi: Sh.Aımanov atyndaǵy «Qazaqfılm» AQ «Centaurus Rustem Abdrashev production» JShS-niń qatysýymen
Qoıýshy-rejısseri: Rústem Ábdirashov
Senarıı avtorlary: Smaǵul Elýbaı, Tımýr Jaqsylyqov, Rústem Ábdirashov
Qoıýshy sýretshi: Murat Karıpov
Qoıýshy operatorlary: Sapar Koıchýmanov, Aleksandr Plotnıkov
Kostıým jónindegi sýretshi: Ajar Áýbákirova
Janry: Tarıhı drama
Hronometrajy: 111 mınýt
Tili: qazaq tili jáne «Neva» (Sankt-Peterbýrg) stýdııasynda orys tiline dýblıajdalǵan
Grım jónindegi sýretshi: Sergeı Maýrın
Bas prodıýseri: Arman Ásenov
Kompozıtory: Ábilqaıyr Ábdirash
Dıalog teksteriniń avtory: Erlan Tóleýtaı
Basty rólde: Qaırat Kemalov, Erkebulan Daıyrov, Doshan Joljaqsynov, Iisbek Ábilmájınov, Aıan Ótepbergen, Meıirǵat Amangeldın, Nııazbek Shaısultanov, Bekbolat Tileýhan, Arman Qoja, Shuǵyla Saparǵalı, Madına Esmanova, Ǵazıza Tileýbaı, Qarlyǵash Muhamedjanova, Ińkár Ábdirash, Farıza Eskermesova, Áshiler Súleımenov jáne basqalar.