Таласбектану бәйгесі жарияланды

Мақалалар 2020 жылдың 1 тамызына дейін ұсынылуы керек. Бәйге нәтижесі 2020 жылдың 23 қыркүйегінде жарияланады.
Таласбектану бәйгесі жарияланды

2020 жылда өз атымнан екі бәйге тіктім. Бірінші бәйге – Таласбектану: Таласбек туралы ең мықты зерттеу мақала (түсінетін шығарсыз, құр мадақ керек емес), екінші бәйге – «Otuken.kz сайтының бәйгесі»: жалпы қазақтың гуманитар, әлеумет ғылымдарына, руханиятына үлес қосатын ең мықты мақала, тақырыпқа шектеу жоқ. Бір ғана талап − интеллектуалдық деңгей.

Әр бәйге 100 мың теңге. Әрине, бұндай ақшаға бола адам жазбайды. Бірақ көкейдегі ойды қағазға тастайтындай түрткі болар деп үміттенемін. Кім біледі, менен басқа адамдар да осы бастамама қосылар!

Таласбек туралы мақалалар я сілтемелерді Facebook-тегі Таласбек Әсемқұлов тобына салуға болады.

Otuken.kz сайтымыздың бәйгесіне ұсынылған мақалаларды Facebook-тегі Otuken.kz қауымдастығына салыңыздар.

Осында ел болып талқылаймыз. Ең мықты мақалаларды, автор қаласа, Otuken.kz сайтыма жариялаймын.

Мақалалар 2020 жылдың 1 тамызына дейін ұсынылуы керек. Бәйге нәтижесі 2020 жылдың 23 қыркүйегінде жарияланады.

Жүлдеге лайық мақала болмаса, бұрын шыққан мәтіндерге беріледі. Әзірге Таласбектануда екі үміткер – [Assiya Baqdaulet], «Тереңдік. Тәмсіл. Таласбек» және [Ардаби Маулет] «Таласбектің қызыл домбырасы». Ориентир осы!

Деңгейі төмен мақала ұсынған автор келесі бәйгеге қатыса алмайды.

Ізденетін жастарға бір бағыт – Таласбектің 1973-95 жылдары жазылған, мен білмейтін мақала, әңгімелері кітапханадан табылып қалу мүмкін. Телерадио, жеке архивтерде сол кезеңде жазылған хабарлар болуы мүмкін. Ондайды тапқан адамға сөзсіз бәйге беремін.

Құрметпен, Зира Наурызбаева