2020 jylda óz atymnan eki báıge tiktim. Birinshi báıge – Talasbektaný: Talasbek týraly eń myqty zertteý maqala (túsinetin shyǵarsyz, qur madaq kerek emes), ekinshi báıge – «Otuken.kz saıtynyń báıgesi»: jalpy qazaqtyń gýmanıtar, áleýmet ǵylymdaryna, rýhanııatyna úles qosatyn eń myqty maqala, taqyrypqa shekteý joq. Bir ǵana talap − ıntellektýaldyq deńgeı.
Ár báıge 100 myń teńge. Árıne, bundaı aqshaǵa bola adam jazbaıdy. Biraq kókeıdegi oıdy qaǵazǵa tastaıtyndaı túrtki bolar dep úmittenemin. Kim biledi, menen basqa adamdar da osy bastamama qosylar!
Talasbek týraly maqalalar ıa siltemelerdi Facebook-tegi Talasbek Ásemqulov tobyna salýǵa bolady.
Otuken.kz saıtymyzdyń báıgesine usynylǵan maqalalardy Facebook-tegi Otuken.kz qaýymdastyǵyna salyńyzdar.
Osynda el bolyp talqylaımyz. Eń myqty maqalalardy, avtor qalasa, Otuken.kz saıtyma jarııalaımyn.
Maqalalar 2020 jyldyń 1 tamyzyna deıin usynylýy kerek. Báıge nátıjesi 2020 jyldyń 23 qyrkúıeginde jarııalanady.
Júldege laıyq maqala bolmasa, buryn shyqqan mátinderge beriledi. Ázirge Talasbektanýda eki úmitker – [Assiya Baqdaulet], «Tereńdik. Támsil. Talasbek» jáne [Ardabı Maýlet] «Talasbektiń qyzyl dombyrasy». Orıentır osy!
Deńgeıi tómen maqala usynǵan avtor kelesi báıgege qatysa almaıdy.
Izdenetin jastarǵa bir baǵyt – Talasbektiń 1973-95 jyldary jazylǵan, men bilmeıtin maqala, áńgimeleri kitaphanadan tabylyp qalý múmkin. Teleradıo, jeke arhıvterde sol kezeńde jazylǵan habarlar bolýy múmkin. Ondaıdy tapqan adamǵa sózsiz báıge beremin.
Qurmetpen, Zıra Naýryzbaeva