Өнер академиясының ұжымы ұйымдастырған бұл іс-шараға ұлт руханиятына қызмет етіп жүрген қайраткерлер: Нұрлан Оразалин, Дулат Исабеков, Смағұл Елубай, Жүрсін Ерман, Нұртөре Жүсіп, Есмұхан Обаев, Нұрқанат Жақыпбай қатысты.
А.Әшімов театр мен кино саласында қызмет етіп қана қоймай, өнер академиясында дәріс беріп, талай шәкірттерді кәсіби сахна өнеріне дайындаған ұлағатты ұстаз. Сахна шеберінен білім алған дарын иелері бүгінде республика көлеміндегі театрлар мен қазақ киноөнерінің білікті мамандарына айналып отыр. А.Әшімовтің бұл оқу-шығармашылық лабораториясынан да ұлт мәдениетіне қызмет етер ұрпақтың тәрбиеленіп шығатынына сенімдіміз.
