Қазақстан классикалық музыкасының жұлдызы, Қазақстан Республикасының Халық әртісі, Құрманғазы атындағы Алматы консерваториясының ректоры әрі профессоры, саусағынан бал тамған пианиношы Жәния Әубәкірова Бах, Моцарт, Шопен, Пуленктің және басқа да аса көрнекті композиторлардың шығармаларын орындайды. Сонымен қатар, концертке халықаралық байқаулардың лауреаты, Джульярд мектебінің түлегі Дамир Бүркітбаев (кларнет) қатысады.
Музей мен консерваторияның бірлескен жобасын жасау идеясы классикалық және халық музыкасын насихаттау, жас ұрпақтың көркемдік мәдениетінің деңгейін көтеру, жаңа тыңдармандар аудиториясын тарту және студенттердің оқу-концерттік тәжірибесін ұйымдастыруға қосымша қызықтыратын жағдайлар жасауға бағытталған. Іс-шараның аясында Ә. Қастеев атындағы Мемлекеттік өнер музейі мен Құрманғазы атындағы Қазақ ұлттық консерваториясы арасындағы ынтымақтастық туралы Меморандумға қол қойылады.
Жәния Әубәкірова Марта Аргерих, Валерий Гергиев, Михаил Плетнев, Александр Ведерников, Давид Герингас, Дориан Уилсон сияқты әйгілі музыканттармен, сондай-ақ Ресей ұлттық оркестрімен, Француз радиосының симфониялық оркестрімен, Стамбул филармониялық оркестрімен, Ағылшын камералық оркестрі және басқаларымен бірге қызмет жасады.
Жәния Әубәкірованың жеке концерттері мен атақты оркестрлермен өнер көрсетуі Қазақстанда, Францияның ірі концерт залдарында, Англия, Германия, Жапония, Ресей, Польша, Италия, АҚШ, Израиль, Греция, Венгрияда ұдайы болып тұрады. Пианиношы Salle Pleyel, Salle Gaveau, Barbican Hall, Wigmore Hall, Vigoda Hall, Seoul's Arts Center, Keimyung Art Center, Berlin Philharmoniker, Berlin and Vienna Konzerthaus, Kennedy Centre, Carnegie Hall, Чайковский атындағы Мәскеу консерваториясының Үлкен залы және Санкт-Петербург филармониясы, Мәскеу Музыка үйінің залдарында өнер көрсетті.
Мәдениет пен білім беру саласына белсенді қызмет еткені үшін Жәния Әубәкірова көптеген марапаттарға ие болды: Қазақстан Республикасының Халық әртісі, Қазақстан Республикасының Тұңғыш Президентінің бейбітшілік және прогресс мемлекеттік сыйлығының лауреаты, Қазақстан Республикасының Мемлекеттік сыйлығының лауреаты, «Парасат» орденінің кавалері, Францияның әдебиет және өнер орденінің кавалері, Еуропалық Уни өнер сыйлығының иегері, «Платиналық Тарлан» тәуелсіз сыйлығының лауреаты, «Қазақстан мен Ресей арасындағы достықты нығайтқаны үшін Екатерина ІІ атындағы «Кавалер» орденінің иегері, Польша Республикасының мәдениетіне сіңірген еңбегі үшін ордені, Польша Республикасының Президентінің «Еңбектің алтын кіресі» ордені.
Жәния Әубәкірова Steinway & Sons фирмасының ресми әртісі болып табылады.
Кештің жүргізушілері – Клара Исабаева, ҚР Ә. Қастеев атындағы Мемлекеттік өнер музейінің баспасөз қызметінің жетекшісі, жоба жетекшісі.
Анықтама үшін байланыс – 394-57-18, 8-775-371-4820, 8-747-181-5126.
Билеттің құны – 2500 теңге. Баға ішіне мыналар кіреді: 1) сағ. 17.00 – 19.00 музейді аралау; 2) сағ. 18.30 – кофе-брейк; 3) сағ.19.00 – «Музыкалық палитра» концерті
Жетекші – Клара Исабаева