Qazaqstan klassıkalyq mýzykasynyń juldyzy, Qazaqstan Respýblıkasynyń Halyq ártisi, Qurmanǵazy atyndaǵy Almaty konservatorııasynyń rektory ári professory, saýsaǵynan bal tamǵan pıanınoshy Jánııa Áýbákirova Bah, Moart, Shopen, Pýlenktiń jáne basqa da asa kórnekti kompozıtorlardyń shyǵarmalaryn oryndaıdy. Sonymen qatar, konertke halyqaralyq baıqaýlardyń laýreaty, Djýlıard mektebiniń túlegi Damır Búrkitbaev (klarnet) qatysady.
Mýzeı men konservatorııanyń birlesken jobasyn jasaý ıdeıasy klassıkalyq jáne halyq mýzykasyn nasıhattaý, jas urpaqtyń kórkemdik mádenıetiniń deńgeıin kóterý, jańa tyńdarmandar aýdıtorııasyn tartý jáne stýdentterdiń oqý-konerttik tájirıbesin uıymdastyrýǵa qosymsha qyzyqtyratyn jaǵdaılar jasaýǵa baǵyttalǵan. Is-sharanyń aıasynda Á. Qasteev atyndaǵy Memlekettik óner mýzeıi men Qurmanǵazy atyndaǵy Qazaq ulttyq konservatorııasy arasyndaǵy yntymaqtastyq týraly Memorandýmǵa qol qoıylady.
Jánııa Áýbákirova Marta Argerıh, Valerıı Gergıev, Mıhaıl Pletnev, Aleksandr Vedernıkov, Davıd Gerıngas, Dorıan Ýılson sııaqty áıgili mýzykanttarmen, sondaı-aq Reseı ulttyq orkestrimen, Franýz radıosynyń sımfonııalyq orkestrimen, Stambýl fılarmonııalyq orkestrimen, Aǵylshyn kameralyq orkestri jáne basqalarymen birge qyzmet jasady.
Jánııa Áýbákirovanyń jeke konertteri men ataqty orkestrlermen óner kórsetýi Qazaqstanda, Franııanyń iri konert zaldarynda, Anglııa, Germanııa, Japonııa, Reseı, Polsha, Italııa, AQSh, Izraıl, Greııa, Vengrııada udaıy bolyp turady. Pıanınoshy Salle Pleyel, Salle Gaveau, Barbican Hall, Wigmore Hall, Vigoda Hall, Seoul's Arts Center, Keimyung Art Center, Berlin Philharmoniker, Berlin and Vienna Konzerthaus, Kennedy Centre, Carnegie Hall, Chaıkovskıı atyndaǵy Máskeý konservatorııasynyń Úlken zaly jáne Sankt-Peterbýrg fılarmonııasy, Máskeý Mýzyka úıiniń zaldarynda óner kórsetti.
Mádenıet pen bilim berý salasyna belsendi qyzmet etkeni úshin Jánııa Áýbákirova kóptegen marapattarǵa ıe boldy: Qazaqstan Respýblıkasynyń Halyq ártisi, Qazaqstan Respýblıkasynyń Tuńǵysh Prezıdentiniń beıbitshilik jáne progress memlekettik syılyǵynyń laýreaty, Qazaqstan Respýblıkasynyń Memlekettik syılyǵynyń laýreaty, «Parasat» ordeniniń kavaleri, Franııanyń ádebıet jáne óner ordeniniń kavaleri, Eýropalyq Ýnı óner syılyǵynyń ıegeri, «Platınalyq Tarlan» táýelsiz syılyǵynyń laýreaty, «Qazaqstan men Reseı arasyndaǵy dostyqty nyǵaıtqany úshin Ekaterına II atyndaǵy «Kavaler» ordeniniń ıegeri, Polsha Respýblıkasynyń mádenıetine sińirgen eńbegi úshin ordeni, Polsha Respýblıkasynyń Prezıdentiniń «Eńbektiń altyn kiresi» ordeni.
Jánııa Áýbákirova Steinway & Sons fırmasynyń resmı ártisi bolyp tabylady.
Keshtiń júrgizýshileri – Klara Isabaeva, QR Á. Qasteev atyndaǵy Memlekettik óner mýzeıiniń baspasóz qyzmetiniń jetekshisi, joba jetekshisi.
Anyqtama úshin baılanys – 394-57-18, 8-775-371-4820, 8-747-181-5126.
Bılettiń quny – 2500 teńge. Baǵa ishine mynalar kiredi: 1) saǵ. 17.00 – 19.00 mýzeıdi aralaý; 2) saǵ. 18.30 – kofe-breık; 3) saǵ.19.00 – «Mýzykalyq palıtra» konerti
Jetekshi – Klara Isabaeva