Maqala / #stýdentSózi
Aýyl men qalanyń aıyrmashylyǵyn kórsetken kórkem fılm
"Glamýr dlıa dýr" fılmi komedııalyq elementter arqyly aýyl qyzynyń taǵdyryn baıandaıdy.
Bólim: Kıno
Datasy: 26.04.2017
Avtory: Гүлдана Иманқұлова
Maqala
Aýyl men qalanyń aıyrmashylyǵyn kórsetken kórkem fılm
"Glamýr dlıa dýr" fılmi komedııalyq elementter arqyly aýyl qyzynyń taǵdyryn baıandaıdy.
Bólim: Kıno
Datasy: 26.04.2017
Avtory: Гүлдана Иманқұлова
Aýyl men qalanyń aıyrmashylyǵyn kórsetken kórkem fılm

Rejısser Asqar Uzabaevtyń túsirgen "Glamýr dlıa dýr" atty fılmi jaryq kórdi. Fılm óndirisimen "567 cinema" kompanııasy aınalysty. 

Fılm qazaq qyzynyń úlken qaladaǵy ómiri týraly. Qarapaıym qyzdyń adamnyń abyroıy áleýmettik jelidegi statýsymen jáne glamýrmen ólshenetin álemde ózin qalaı ustaıtyndyǵy beınelengen. 19 jastaǵy Uljan Baljanova bar ómirin aýylda ótkizgen. Ata-anasy turmysqa berip jibermeý úshin ol mektepti bitire sala qaladaǵy ózi eshqashan kórmegen ápkesine qashyp ketedi. Qalaǵa kelgen qyz áleýmettik jeli arqyly tanymal bolýdy armandaıdy. Biraq, ápkesi onyń bul isine qarsylyq tanytady.

Qazaqstandyq kommerııalyq kıno aýyldan qalaǵa qashý men qaladan aýylǵa qashýdyń ortasynda júrgeni ókinishti. Aýyldan kelgen adam qalaǵa úırenise almaıdy, orysshaǵa tili jetpeı elge kúlki bolady. Qaladan aýylǵa kelgen adam qazaqsha sóıleı almaıdy. Aýyl adamy ańǵal, marǵaý, qarapaıym, adal. Qalalyqtar ábjil, qý, erke, ótirikshi, buzaqy. Munyń aldynda shyqqan "Kelinka Sabınka" fılmi qalanyń buzylǵan qyzdaryn aýyl arqyly tárbıeleýge shaqyrady. Ekeýinde de aýyl qyzdary, turǵyndary, kelinderi, ata-analary - jandary jaısań, aǵarman, tárbıege uqypty etip sýretteledi. Al, qala turǵyndary kerisinshe - buzylǵan, tym ózimshil, týysqandarǵa nemquraıly qaraıtyn etip sýretteledi. Túıinin - aýyl tárbıesine eshteńe jetpeıdi degenge ákep tireıdi.

«Glamýr dlıa dýr»  bizdiń adamdardyń ózgeniń ómirine qol salǵysh suǵanaqtyǵyn, jappaı saýatsyzdyǵyn, ózgeni tabalaýǵa daıyn turatyn turpaıy minezderin synaıdy. Áleýmettik jelidegi negizsiz tanymaldylyqtyń ıllıýzııa ekendigi de ýaqytyly aıtylyp otyr. Qos keıipker arqyly qyz taǵdyryna kóz salý da bar. Biraq, fılmniń qurylymy arzan anekdottardyń retsiz aýysýy sııaqty áser beredi. Ári oryssha sóıleı almaıtyn aýyl adamyn ájýa qylý – eshqandaı tapqyrlyq emes. Aqbota Nur Seıtmaǵambet pen Ásel Aqbarovanyń minez, bolmysyndaǵy qaıshylyqtar fılmdi qyzyqty etip tur.

Bul romantıkalyq komedııada mahabbat bolǵanymen, úılený toıy bolmaıdy. Eń qyzyǵy, fılmde úılený toıy týraly sóz de qozǵalmaıdy.

Basty keıipker qalanyń zańdarynan ońbaı taıaq jeıdi. Buzyq minezdi qyzdardan "taıaq" jeıdi. Aldanady. Shala qazaqtarǵa eliktep, ózine tán emes qylyqtar kórsetip kúlkige qalady. Ata-anasyn jerge qaratqanda ǵana óziniń qate jolda ekenin túsinedi. Bul fılmdi kórgen aýyldyń jasóspirim qyzdary sabaq alary anyq.