Maqala / #stýdentSózi
Otandyq komedııa reseılik mamandardyń qolynda
"Bári erkekterdiń kesirinen" fılmine pikir.
Bólim: Kıno
Datasy: 28.04.2017
Avtory: Нұрғали Дүйсенғали
Maqala
Otandyq komedııa reseılik mamandardyń qolynda
"Bári erkekterdiń kesirinen" fılmine pikir.
Bólim: Kıno
Datasy: 28.04.2017
Avtory: Нұрғали Дүйсенғали
Otandyq komedııa reseılik mamandardyń qolynda

Sońǵy kezdegi merekelik kúnderge baılanysty fılmder kóptep jaryq kórýde. Sonyń biri halyqaralyq áıelder kúnine arnalǵan «Bári erkekterdiń kesirinen» (Vse ız-za mýjıkov) atty kınokartınasy kópshiliktiń nazaryna usynylǵan bolatyn. Bul fılm otandyq komedııada qalyptasyp qalǵan baǵyttan ózgeshe, jańa formatta túsirildi. «Otandyq komedııa formaty» - aq saýsaqty keıpkerdiń aýylǵa baryp ańqaý bolýy jáne oǵan keri, aýyldaǵy adamnyń qalaǵa kelip adasýy. Osyndaı baǵyttan shógip, «Interny» atty reseılik sıtkomnyń operatory, osy kartınada rejısserlyq qabiletin synamaq boldy. Degenmen, fantastıkalyq komedııa bolǵannan keıin, kópshilik kórermen ony jyly qabyldady.

Úsh jigittiń bir armany - qyzdar álemine barý. Syıqyrly avtokólik ishindegi aıtylǵan armany oryndalyp, jeti mıllıard (Astana qalasynda bir mıllıon qyz) qyzdardyń ortasynan tabylady. Kenet, kóz aldymyzǵa reseılik «Lıýbov-morkov» jáne de «ypochka», «Malchık v devochký» atty Gollıvýdttyń kıno týyndylary kózge túsedi. Bulardyń sıýjeti kópshilikke málim shyǵar. Mundaǵy áıel men erkektiń bir-birin túsiný maqsatynda, ekeýleriniń jandary bir-birimen aýysyp ketedi. Iaǵnı erkek áıelge, áıel erkekke. Al, bul fılmde álemde qalǵan úsh erkektiń taǵdyry jaıly. Aıtpaqshy, úsh erkek demekshi, úsh jigittiń de erekshe oıyndary fılm barysynda kózge túsedi. Atap aıtqanda, Tursynbek. Tursynbek áıelin qatty jaqsy kóretini sonsha, názik jandylar áleminde onyń kózine shóp salmaýǵa tyrysady. Bul keıipkerdiń harakteri kóp komedııa janrynda túsiriletin fılmderde baıqalady. Biraq, ekinshi plandaǵy keıipker retinde. Al bul kartınada ony aldyńǵy planǵa shyǵaryp, fılmdi qyzyqtyra túsiredi. Óıtkeni shyndyǵyna kelgende jas otbasy oshaǵynda osyndaı máseleler kezdesetinin baıqaımyz. Ekinshi keıipker Arman. Ol qyzdar jaǵyna kóp qyryndaıtyn jigittiń biri. Ol ańqaý, óz-ózin jaqsy kóretin ádemi jas jigit. Fılm Armannyń armany arqyly oqıǵany shıelenistire túsedi. Al úshinshisiniń esimi Tımýr. Sózge sheshen, altyn bala - «Taksıst». Osy úsh jigit tóńiregindegi oqıǵany, senarıst aınytpaı harakter berý arqyly fılmniń kórkin asha bildi. Jalpy, álemde úsh qana jigit qalatyn ıdeıa óz tarapymnan utymdy dep esepteımin.

Senarıı joǵarǵy deńgeıde, operatorlyq jumysy da qanaǵattanarlyq. Al, rejısserlyq jumysqa keler bolsaq, múldem rejıssýrasy baıqalmady. Alǵashqy debıýttik jumysy bolǵandyqtan bolar, ol bul jumysty ortasha deńgeıde oryndap shyqty.

Kókirek qaǵyp, «Qazaq jerinde shyqqan týyndy» dep, shala maqtaýdyń da qajeti joq syńaıly. Óıtkeni, mundaǵy til máselesi sheshilmegen. Iá, Format, Ninety one, KeshYOU syndy top ánshilerdiń qazaqsha áýenderi bola tura, mundaǵy qazaqı estetıkanyń joqtyǵy baıqalady. Reseı mamanynyń qolynan shyǵyp jatqannan keıin bolar, bul qazaq kınosyna jatqyzýǵa kelmeıtin dúnıe. Otandyq kınony damytýdaǵy basty másele, ondaǵy til men estetıkany qalyptastyrý. Biz sol kompleksten shyǵa almaı jatqan sııaqtymyz. Degenmen, komedııa janry eń ótimdi taýardyń biri. Bolashaqta tilimzdiń atyna kir keltirmeıtin, qazaqı taqyryptaǵy jańa formattaǵy kartınany kórýge nıetteneıik.