Elimizde jyl saıyn dəstúrli túrde ótetin "Qazaq Arýy" baıqaýy bıyl da jalǵasyn tapty. Prodıýsser Baıan Maqsatqyzynyń uıymdastyrýymen ótetin bul sulýlar saıysynyń maqsaty qazaq qyzyna tən barlyq qasıetterdi boıyna jıǵan, səni men symbaty, bilimi men qylyǵy ushtasqan, ultymyzdyń salt-dəstúri men ədet-ǵurpyn jetik biletin, aqylyna kórki saı naǵyz Qazaq arýyn anyqtaý. Bıylǵy jyly segizinshi ret ótkizilip jatqan baıqaý Halyqaralyq dərejege kóterilip, Reseı, Monǵolııa, Túrkııa, Qyrǵyzstan jəne Ózbekstan memleketterinen de arýlar qamtyldy. Esterińizge sala ketsek, eń alǵashqy "Qazaq Arýy 2011" júldesin Ləzzat Qaldybekova ıelense, keıingi jyldary Aıǵanym Ótepbergenova, Aıgerim Qanatbaeva, Gúlnaz Jolanova sekildi sulýlar təjdi bir-birine tabystap otyrdy. Dəstúrdiń jalǵasy sanalatyn bıylǵy baıqaýda daralanǵan - "Qazaq Arýy 2018" Nabıra Raqymjanqyzy. Atalmysh dodada júldeli I oryndy Aqbota Baqytqalı ıelense, III oryn Samal Mýradııaeva (Reseı Federaııasy) qanjyǵasyna baılady.  Jıyrmaǵa jýyq arý baq synasqan bəıgeden júldeli II oryndy Aqmaral Aıtbaeva ıelendi. Júldege ıe bolǵan ərbir arýǵa tarıh betterindegi ǵazız analarymyzdyń jalǵasy retinde úlgi bolarlyq danalyqqa jetýin tileımiz!

Sonymen qatar, "Kózimniń qarasy"mədenı-tanymdyq klýbynyń atynan, klýbymyzdyń belsendi múshesi, "Ónertaný" fakýlteti, "Kıno tarıhy men teorııasy" kafyedrasynyń stýdenti Aqmaral Aıtbaevany júldesimen arnaıy quttyqtaımyz! Jeńisti kúnderiń kóp bolsyn! Qazaq Qyzy atyna laıyqty arýlarymyzdyń sany artyp, jan men tən sulýlyǵy astasqan qazaq sulýlarynyń dańqy arta bersin!

 

kórneki fotolar gýgl ashyq aqparat qorynan alyndy