«Bolashaq» Qaýymdastyǵynyń Korporatıvtik Qory, BI Group kompanııasy, Walt Disney Pictures jáne Pixar stýdııalary kópten kútken «Sýpersemeıka-2»/«Sýperotbasy-2» fılmin qazaq tilinde kórermenderge usyndy.
14 jyl ótken soń, «Sýperotbasy» anımaııalyq fılminiń jankúıerleri kópten kútken oqıǵanyń jalǵasyn kórýge múmkindik aldy. Osy ýaqyttyń ishinde kóp nárse ózgerdi, biraq «Sýperotbasy» keıipkerleri sol qalpynda qaldy. Fılmnyń ekinshi bóliminde rejısser Bred Bıord barlyq nazardy Mıster Erekshege emes, onyń jubaıyna aýdarýdy uıǵardy. Fılmniń jelisi boıynsha Helen Parr otbasynyń kóshbasshysy, al onyń kúıeýi Djek-Djek balaqaıdyń tárbıesimen aınalysatyn bolady. Iaǵnı, kórermender bul joly jaqsy kóretin Mıster Ereksheni basqa qyrynan kóredi. Ol endi sýperbatyr kostıýminde paıda bolmaıdy, onyń esesine áıeli ǵalamdy qutqarý úshin qaýipti mıssııaǵa bara jatqanda, úsh balaǵa qamqor bolyp qalady. «Sýperotbasy-2» - «Bolashaq» Qaýymdastyǵynyń Korporatıvtik Qorymen qazaq tiline dýblıajdaǵan 24-shi fılm bolyp tabylady. Qazaq tilindegi dýblıaj rejısseri - Shah-Murat Ordabaev. «Men úshin «Sýperotbasy-2» fılmi «Kokonyń qupııasy», «Galaktıka saqshylary. 2 bólim» jáne «Órmekshi-adam. Qaıta oralý» fılmderinen keıingi jobadaǵy tolyqqandy tórtinshi jumysym. Bul fılm bizdiń ata - analarymyz, bizdiń sýperbatyrlarymyz jaıly. Bul fılmdi dýblıajdaý barysyna tek teatr ártisteri ǵana emes, sondaı-aq kınoakterlar da qatysty. Árdaıym biz jańa akterlerdi ashýǵa tyrysamyz. Dýblıaj akterlerin izdestirý maqsatynda biz úlken kastıng ótkizdik. Uzaq ýaqyt boıy Vıoletta keıipkeri úshin daýys taba almadyq, fılmniń dýblıaj toby teatrdyń jas aktrısasy - Aıkórkem Ádilgereevany ashpas buryn, búkil Qazaqstan boıynsha izdeý júrgizdik. Basty keıipkerlerdiń biri - Jelaıaqty jas akter Dıdar Quralbaev dybystady. Onyń jasy nebary 11–de, soǵan qaramastan, ol «Kokonyń qupııasy» mýltfılmin dýblıajdaǵan Aqarys Áshimhanǵa jaqsy básekeles bola alady. Bir qyzyǵy, fılmmen jumys barysynda men áıel adamdy dybystadym. Edna Mod – birqıly minezdi sýperbatyrlarǵa arnalǵan kıim dızaıneri, men dybystaǵan 20-shy Disney keıipkeri. Jalpy aıtqanda, dýblıajǵa 60-tan asa akter qatysty. Qorytyndylaı kelsem, «Sýperotbasy-2» - mahabbat pen ázilge toly jyly otbasylyq mýltfılm. Men kórermenderge qazaq tilindegi nusqasyna búkil otbasymen barýǵa usynamyn», - dedi dýblıaj rejısseri Shah-Murat Ordabaev.
Astana jáne Almaty qalalarynda aldyn ala kórsetilim Kinopark 7 IMAX «Kerýen» jáne Kinopark 11 IMAX Esentai Mall kınoteatrlarynda ótti.
Is-sharaǵa jobanyń ıdeıalyq demeýshisi jáne «Bolashaq» Korporatıvtik Qorynyń Qamqorshylyq Keńesiniń Tóraǵasy Baýyrjan Baıbek, «Bolashaq» Qaýymdastyǵynyń Keńes Tóraǵasy, QR Májilis Parlamentiniń depýtaty Bahtııar Máken, sonymen qatar, dýblıaj akterleri, demeýshiler, mádenı jáne shyǵarmashylyq ıntellıgenııa ókilderi, jastar uıymdarynyń ókilderi, balalar úıiniń tárbıelenýshileri, BAQ ókilderi jáne blogerler qatysty.
Joba uıymdastyrýshylary: «Bolashaq» Qaýymdastyǵynyń Korporatıvtik Qory, «Marwin» kompanııasynyń qoldaýymen.Dýblıajdyń demeýshisi: BI Group kompanııasy.
Astanada aldyn ala kórsetilim «Nur Otan» partııasynyń qoldaýymen ótti.
Almatyda aldyn ala kórsetilim qala ákimdiginiń qoldaýymen ótti.
Dýblıaj jaıynda qyzyqty aqparattar:
- Aıkórkem Ádilgereeva (keıipkeri - Vıoletta) jáne Dıdar Quralbaev (keıipkeri – Shastık) úshin atalǵan fılmdegi jumys debıýttyq boldy.
- Qazaq tilinde «Shastık» aty «Jelaıaq» dep aýdaryldy.
- Edna Modty túpnusqasynda fılmniń rejısseri Bred Bıord dybystasa, qazaqsha nusqada dýblıajdyń rejısseri Shah-Murat Ordabaev dybystady.
14 maýsymnan bastap elimizdiń barlyq kınoteatrlarynan qazaq tilinde «Sýperotbasy-2» mýltfılmin kórińizder!