Qazaqstan Respýblıkasy Mádenıet jáne sport mınıstrliginiń tapsyrysy boıynsha «Adıgýl prodakshn» kınokompanııasynyń qatysýymen Sh.Aımanov atyndaǵy «Qazaqfılm» AQ túsirgen «Bizdiń qalanyń hanzadasy» kórkem fılmi jalǵyzdyqtyń kúıin keship júrgen balalar úıiniń 6-jasar tárbıelenýshisi men qarttar úıiniń ardageri arasyndaǵy dostyǵy týraly baıandaıdy.
Fılmniń rejısseri ári senarıı avtory – Qazaqstannyń halyq artısi Talǵat Temenov («Adamdar arasyndaǵy bóltirik», «Qyzǵysh qus», «Mahabbat beketi»). Basty rólderdi Anýar Toleýgajy jáne Tóleýbek Aralbaı («Jaýjúrek Myń Bala», «Joıýshy», «Tyǵyryqtan jol tapqan») somdady. Sonymen qatar, fılmge Q.Qýanyshbaev atyndaǵy Qazaq mýzyka jáne drama teatrynyń (Astana qalasy) akterleri túsken.
Fılmniń túsirý jumystary Astanada jáne Aqmola oblysynyń Býrabaı aýylynda ótti. Kartınanyń tusaýkeseri 2017 jyly 1 maýsymda, Halyqaralyq balalardy qorǵaý kúnine oraı Astana qalasynda ótken bolatyn. Al qazan aıynda elimizdiń kınoteatrlarynan kórsetildi. Sonymen qatar, atalmysh kınotýyndy qyrkúıek aıynda Reseıde ótken II Halyqaralyq «Eýrazııalyq kópir» kınofestıvaliniń negizgi baǵdarlamasy sheńberinde kórsetilgen edi.
Aıta ketsek, Shanhaı yntymaqtastyq uıymyna múshe elderi kınofestıvaliniń konkýrstyq baǵdarlamasyna 23 kınolenta qatysty, olardyń arasynda eki otandyq kartına kórsetildi. Jalpy kınofestıval kórermenderiniń nazaryna 60 kartına usyndy.
ShYU aıasyndaǵy kınofestıvaldi QHR memlekettik kınematografııa basqarmasy men Shandýn provınııasynyń ákimshiligi uıymdastyryp otyr.
Fılm týraly: «Bizdiń qalanyń hanzadasy» - bul Bıbol esimdi erekshe bala men mýzykant Qasymhan esimdi qarııa týraly áserli oqıǵa. Fılmniń negizgi jelisi - bala men qarttyń kezdeısoq kezdesýi bolyp tabylady. Bul fılmdegi dramatızm bir-birine múlde bóten bas keıipkerlerdiń sońynda etene jaqyn bolyp ketýleri. Fılm – adamnyń adamgershilik qasıetteriniń arqasynda ǵana shyn baqytqa jetýge bolatynyn kórsetedi.
Óndirisi:Sh.Aımanov at. «Qazaqfılm» AQ «Adıgýl prodakshn» JShS qatysýymen
Janry:melodrama
Rejısseri, senarıı avtory: Talǵat Temenov
Qoıýshy operatory: Andreı Maslov
Qoıýshy sýretshi: Marat Imanbergen
Kompozıtory: Tólegen Muhamedjanov
Bas prodıýseri: Ahat Ybyraev
Rólderde: Tóleýbek Aralbaı,Ánýar Tóleýǵajy, Leılo Beknazar-Hanınga, Jánııa Djýrınskaıa,Dınara Ábikeeva, Qýandyq Qystyqbaev jáne basqalary.