Halyqaralyq Festıvaldiń uıymdastyrýshylary Qazaqstandyq jáne Azııa-Tynyq muhıty aımaǵyndaǵy IýNESKO Klýbtary men Assoıaııalarynyń Federaııasy jáne QR Tuńǵysh Prezıdenti – Elbasy Qory.
Festıvaldiń basty maqsaty – mádenıet aralyq dıalog pen túsinýsýshilikti jyljytý, sonymen qatar aımaq memleketteriniń óskeleń urpaqtary arasyndaǵy dostastyq qarym-qatynasty nyǵaıtý.
2018 jyly Festıval Astananyń 20-jyldyǵyna arnalǵan qyzyqty da keń aýqymdy is-sharalar men sheberlik synyptarǵa toly boldy. 2018 jyldyń 1 aqpany men 20 sáýiri aralyǵynda Almatydaǵy IýNESKO Klasterlik Bıýrosynyń qoldaýymen halyqaralyq konkýrs uıymdastyrylǵan bolatyn. Osy aralyqta 3 pen 17 jas aralyǵyndaǵy 10 000 astam balalar men jastar óz ónerin ortaǵa saldy. Jarys nátıjesinde Festıval jeńimpazdary anyqtaly: ár qatysýshy memleketten 5 adam jáne Qazaqstannyń ár oblysy men Almaty, Astana qalalarynan 5 jeńimpazdan. Fınalıstter men laýreattar tizimin www.unescoclubs.kz saıtynan kóre alasyzdar.
«The Planet of ART» Halyqaralyq Festıvali 1 – 3 shilde aralyǵynda óz esigin Azııa-Tynyq muhıty aımaǵynyń 20-dan astam memleketinen kelgen beıneleý óneri jáne qol óneri salasyndaǵa 100-ge jýyq jas sheberlerge aıqara ashty.
Festıval baǵdarlamasy qyzyqty jáne mazmundy sheberlik synyptardy, Esil ózeni jaǵalaýyndaǵy plenerdi, qala boıynsha ekskýrsııalyq serýender men Astananyń 20-jyldyǵyn toılaý aıasynda ótken ataýly is-sharalarǵa qatysýdy biriktirdi.
Festıvaldiń birinshi kúni (1 shilde) shyǵarmashylyq mánerde ótti. Ol kúni balalar ózderin beıneleý óneriniń qyzyqty jáne mańyzdy jaqtarymen tanystyrǵan Qazaqstan Respýblıkasynyń Sýretshiler Odaǵynyń ókilderimen kezdesti, sonymen qatar Etnoaýylǵa saıahattady.
Ekinshi kún (2 shilde) óziniń mádenı baǵdarlamasymen erekshelendi. Qatysýshylar «Astana: kelisim men beıbitshilik ortalyǵy» Halyqaralyq Konferenııasyna qatysty, ózderiniń myqty jaqtaryn anyqtaýǵa arnalǵan trenıng ótti, Qazaqstan halyqtarynyń salt-dástúrlerimen tanysty, qalanyń kórikti jerlerine serýendedi jáne ulttyq mura bolyp tabylatyn obektilerge barý arqyly qazaq halqynyń tarıhymen sýsyndady.
Úshinshi kúni (3 shilde) ár fınalıst óz eliniń dástúrli bıleri men án-kúılerin oryndaý arqyly kórermenderdi óz eliniń salt-dástúr, ádet-ǵuryptarymen tanystyrdy.
Aıta keterlik jaıt, Festıvaldiń jabylýy aıasynda Qazaqstan elordasynyń 20-jyldyǵyna arnalyp basylǵan «Astana – beıbitshilik qalasy» atty balalar shyǵarmashylyǵynyń arnaıy albomynyń tusaýkeseri ótti, sonymen qatar albomǵa kirgen úzdik degen jumystardyń kórmesi ótti. Albom Qazaqstan Respýblıkasynyń Prezıdenti N.Á.Nazarbaevnyń jáne IýNESKO Bas Dırektory O.Azýleniń alǵy sózderimen ashylý asa mańyzǵa ıe.
Uıymdastyrýshylardyń aıtýynsha, Festıvaldiń erekshelikteriniń biri – onyń áleýmettik maqsatta tolyqtaı tegin júrgizilýinde. 100 jeńimpazdyń Astanada Fınalǵa qatysýyna baılanysty barlyq shyǵyndar jobanyń seriktesteri esebinen tólenetin bolady (Tengizchevroil, Total, AirAstana, Exxon Mobil, Samsung, Caspian Projects Supply Company, Ibis Hotel, Tengrinews, Massaget.kz)
«Búgin Azııanyń myńdaǵan balalaryn biriktirgen taǵy da bir ıgi joba aıaqtalýda. Bizdiń jumysymyzdyń zaıa ketpegendigin kórý biz úshin úlken qýanysh. Osy jobanyń alǵashqy jeńimpazdarynyń kezinde ózderi sııaqty bolǵan jas daryndarǵa kómek kórsetýin baqylaý janǵa jylýlyq syılaıdy. IýNESKO-da Qazaqstannyń Tuńǵysh Prezıdenti Qorymen birlesip júrgizetin balalar shyǵarmashylyǵyn qoldaýǵa baǵyttalǵan birqatar halyqaralyq jobalary bar. Osyndaı jobalardyń kúnnen kúnge kóbeıip, óz jemisterin berip jatqanyna biz júrekjardy qýanyshtymyz» - dedi IýNESKO Klýbtary Federaııasynyń Prezıdenti Bolat Akchýlakov.
IýNESKO-nyń QR Tuńǵysh Prezıdenti – Elbasy Qorymen birigip jasaǵan jobalarynyń arasyndaǵy eń irileriniń arasynda «Balalar Álem yrǵaǵynda» Festıvali, jas sýretshilerdiń «ART-Samǵaý» atty bıennale festıvali, «Qazaqstan IýNESKO Klýbtarynyń shyǵarmashylyq akademııasy» jobalaryn ataýǵa bolady. Bul jobalardyń barlyǵy elimizdiń darynda jastaryn qoldaýǵa, olarda toleranttylyq túsinikterin qalyptastyrýǵa jáne memleketimizdiń bolashaq áleýetin qalyptastyrýǵa arnalǵan.
Óz kezeginde QR Tuńǵysh Prezıdenti – Elbasy Qorynyń Almatydaǵy ókildiginiń dırektory Sergeı Tohtarov bylaı dedi: «Óziniń daryndy jastardy qoldaýǵa degen mıssııasyn oryndaý maqsatynda Qor osyndaı áleýmettik mańyzy bar, Qazaqstan jastarynyń jan-jaqty damýyna úles qosatyn jobalarǵa keń qoldaý kórsetýge ázir. Bul jobalardyń barlyǵy da sátti. Mysaly, 2017 jyly Elbasy Qory men Qazaqstandyq Ulttyq IýNESKO Klýbtarynyń Federaııasymen birigip «Balalar álem yrǵaǵynda» festıvali qatysýshylarynyń armandaryn oryndady. Balalar Parıj qalasynda IýNESKO shtab-páterinde Elbasynyń «Rýhanı Jańǵyrý» baǵdarlamasyn tanystyrý barysynda ónerlerin kórsetip, úlken ónerge degen taǵy bir úlken qadamdaryn jasady».
Festıval Astana qalasy Ákimshiligi, QR mádenıet jáne sport Mınıstrligi, QR bilim jáne ǵylym Mınıstrligi, QR syrtqy ister Mınıstrligi, QR IýNESKO jáne ISESKO isteri boıynsha Ulttyq Komıssııasynyń, Almatydaǵy IýNESKO Klasterlik Bıýrosynyń keń qoldaýymen júzege asyrylyp otyr.
Joba jaıly anyqtama:
IýNESKO Bas Dırektorynyń usynýymen 1999 jyly «Álem balalary beıneleıdi» Halyqaralyq Festıvali týyndady. Dál osy jyly Qazaqstandaǵy IýNESKO Klýbtyq qozǵalysynyń negizi qalandy. Elimizdiń aýmaǵynda on jyldan astam ýaqyt sátti jumys jasap kelgen jarys, 2010 jyly «Balalar Álemdi beıneleıdi. Ortalyq Azııa» ataýymen óziniń geografııalyq taralymyn ulǵaıtty.
2016 jyly Azııa-Tynyq muhıty deńgeıine kóterilip, «Balalar Álemdi beıneleıdi. Azııa» jobasy óz órisin keńeıtti. Bul qadamnyń nátıjesinde Bangladesh, Vetnam, Úndistan, Qazaqstan, Qytaı, Koreıa, Qyrǵyzstan, Mońǵolııa, Nepal, Reseı, Tájikstan, Taıland, Túrkmenstan, Ózbekstan, Japonııa jáne basqa da elderdiń daryndy jastary jobaǵa qatysa alatyn boldy.
Daryndy balalar men jastardyń odan da kóp sanyn qamtý úshin 2018 jyly joba «Balalar Álem yrǵaǵynda» atty Qazaqstannyń shyǵarmashyl jastarynyń Festıvalimen biriktirilip, «The Planet of Art» ataýymen damýdyń jańa kezeńine aıaq basty.
Baspasóz-hatshysy Aqerke Berlibaı