Temirbek Júrgenov atyndaǵy Qazaq ulttyq óner
akademııasynyń qabyrǵasynda kúıshi, ónertanýshy, doent Murat Ábýǵazynyń shyǵarmashylyq
keshi bolyp ótti. Keshtiń basty jańalyǵy úsh birdeı kitaptyń jáne «Qasqa júırik»
atty jınaq-dısktiń tusaýkeseri boldy. Keshti bárimizge belgili dástúrli ánshi,
«Dástúrli án» kafedrasynyń meńgerýshisi Ramazan Stamǵazıev sózimen ashyp, ári
qaraı kúmbirlegen kúı men dástúrli
ánniń yrǵaǵynda jalǵasty.
Qazaq kúı óneri qandaı kitaptarmen
tolysty? Áýeli, qazaq kúı óneriniń betke ustar dmbyrashysy, ózindik oryndaýshylyq mektebin qalyptastyrǵan sańlaq kúıshilerimizdiń biri
Qazanǵap Tilepbergenulynyń kúılerin naqyshyna keltirip oryndaǵan Sádýaqas
Balmaǵambetovtyń «Kúı dastan» kitabynyń tusaýy kesildi. Kitapqa Qazanǵap Tilepbergenulynyń kúıleri jáne avtordyń tól shyǵarmalary
toptastyrylǵan. Jınaq kásibı dombyrashy-kúıshilerge, joǵary jáne orta mýzykalyq
oqý oryndarynyń stýdentterine, mýzyka zertteýshilerine, sonymen qatar, jalpy óner
súıer jurtshylyqqa arnalady.
Ekinshiden, qazaq kúı óneri Qaıyrǵazy Tólenniń «Kóne Bytyǵaı» degen kitabymen tolysty. Bul jınaqqa folklorly-etnografııalyq
ansamblderge laıyqtap túsirgen án-kúıler men shyǵarmalar enip otyr. Basylym dırıjerlerge, mýzykalyq oqý
oryndarynyń ustazdary men shákirtterine arnalady. Eki kitaptyń da qurastyrýshysy
jáne pikirin jazǵan Murat Ábýǵazy.
Sonymen qatar, Murat Ábýǵazynyń «Qazaqtyń
dombyra óneri» atty ǵylymı-zertteý kitabynyń tusaýy kesildi. Kitapta qazaq
dombyra óneriniń shyǵý tarıhy men kúı óneri mektepteri jaıly keńinen aıtylyp,
zertteledi.
«Qasqa júırik» atty jınaq
dıskke kúıshi Seıit Jumajannyń oryndaýyndaǵy on toǵyz kúı jınaqtalǵan. Jınaqtaǵy
árbir kúıdiń shyǵý tarıhy baıandalady. Jınaqqa halyq kúılerinen bólek Óserhan
Saǵynbaıuly, Berdibaı, Qabykeı Ahmerulynyń jáne avtor Seıit Jumajanulynyń
janynan shyǵarylǵan kúıleri engizilgen.
Bul kitaptar men
jınaqtyń qazaq kúı óneri úshin mańyzy zor. Murat Ábýǵazynyń aıtýy boıynsha, bul
jınaqtar Qazaqstannyń ár túkpirindegi dástúrli mýzykany oqytatyn oqý oryndaryna
jetkiziledi. Bul kitaptar kóptegen talanttardyń kózin ashyp, bilimderin jetildiretini
belgili.