Qazaqstan rejısseri jáne senarısi Emır Baıǵazın túsirgen «Ózen» («Reka») kórkem fılmi Halyqaralyq Veneııa kınofestıvaliniń «Kókjıekter» (Gorızonty) atty baǵdarlamasyna iriktelip alyndy. Bul konkýrstyq baǵdarlamada kınematografııa salasy damýynyń jańa tendenııalaryn usynatyn kórkem jáne derekti fılmder kórsetiledi. «Ózen» fılminiń osy baǵdarlamaǵa qatysatyny týraly búgin Veneııa kınofestıvaliniń arnaıy baspasóz otyrysynda belgili boldy.
«Ózen» fılmi Aslan týraly túsirilgen trılogııanyń sońǵy bólimi. Onyń aldynda túsirilgen «Aslannyń sabaqtary» («Ýrokı garmonıı») jáne «Tórt oqıǵa» («Ranenyı angel») fılmderi 2013 jáne 2016 jyldary Halyqaralyq Berlın kınofestıvaliniń negizgi baǵdarlamasynda kórsetilgen bolatyn.
«Ózen» fılmi órkenıetten alys jerde turatyn, qaladan kelgen qonaqtan keıin ómirleri kúrt ózgere bastaǵan bes aǵaıyndy týraly baıandaıdy. Fılmniń túsirý jumystary Ońtústik Qazaqstan oblysynda júrgizildi. Kartınada basty rólderdi Qazaqstannyń túkpir-túkpirinen jınalǵan kásibı saýaty joq akterler somdady. Aıta ketsek, bul kartınada Emır Baıǵazın qoıýshy operator jáne bas prodıýser qyzmetin atqarǵan.
«Eki jyl ishinde fılm túsirilimi barysy týraly eshqandaı da aqparatpen bólispegen edik, endi mine kórermenge usyna alatynyzǵa qýanyshtymyz», dedi Emır Baıǵazın.
Fılmniń jaryqqa shyǵýyna birneshe memleketter atsalysty, olar: Qazaqstan (QR Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Emir Baigazin Production), Norvegııa (Norsk Filmproduksjon) jáne Polsha (Madants). Aıta ketsek, bul týyndy senarıı kezinde MPA APSA Azııa-Tynyqmuhıttyq kınoassoıaııasy grantynyń qoldaýyna ıe boldy. 2017 jyly maýsym aıynda bul joba alǵash ret Karlovy Vary Halyqaralyq kınofestıvaliniń kınonaryǵynda tanysytyrylyp, ol jyly qyrkúıekte kınojoba Varshava halyqaralyq kınofestıvali kınonaryǵynda Pitch and Meet jobalar baıqaýynda birinshi oryndy ıelengen bolatyn. Kartınanyń post jumystary 2018 jyly jaz aıynda Polsha kınematografııa ınstıtýtynyń qarjylaı kómegimen Varshavadaǵy Orka jáne Dreamsound stýdııalarynda júrgizildi.
Mereıtoılyq Halyqaralyq Veneııa kınofestıvali 2018 jyly 29 tamyz ben 8 qyrkúıek aralyǵynda ótedi.
Byltyr rejısser Emır Baıǵazınniń esimi «Rýhanı jańǵyrý» baǵdarlamasy aıasynda jalpyhalyqtyq onlaın-daýys berý arqyly qurastyrylǵan «Qazaqstannyń 100 jańa esimi» tizimine kirgen.