Is-sharanyń maqsaty Qazaqstandaǵy teatr ónerin nasıhattaý; dástúrli teatr ónerin saqtaý jáne damytý, talantty ári daryndy teatr ártisteri men rejısserlerdi anyqtap, yntalandyrý, sondaı-aq zamanaýı sahna úrdisteriniń basym baǵyttaryn anyqtaý, jas urpaqty patrıotızm men otansúıgishtik sezimge tárbıeleý, sonymen qatar kórnekti teatr akteri jáne rejısseri, Qazaqstannyń halyq artısi Raıymbek Seıtmetovtiń ómiri men qyzmetin nasıhattaý, onyń shyǵarmashylyǵymen kópshilikti tanystyrý, mádenıet qaıratkeriniń esimin máńgi este qaldyrý bolyp tabylady.
Festıval aıasynda Almaty qalasynyń turǵyndary men qonaqtary, Astana qalasynyń Jastar teatry, Raıymbek Seıtmetov atyndaǵy Túrkistan qalasynyń sazdy-drama teatry, M. Gorkıı atyndaǵy Memlekettik akademııalyq orys drama teatry, Báıten Omarovtyń «Jas sahna» teatry, Respýblıkalyq memlekettik akademııalyq koreı mýzykalyq komedııa teatry, Azamat Satybaldynyń teatry «Theatre 28», «LABORATORY #316» Táýelsiz teatr trýppasy ujymdarynyń oryndaýynda B.Vahapzade, Ǵ.Músirepov, L.Razýmovskaıa, B.Jandarbekov, Don Nıgro, G.Bıýhner jáne F.Dıýrrenmat sııaqty sheteldik, otandyq, klassıkalyq jáne qazirgi zaman avtorlarynyń qoıylymdarymen tanysa alady.
Is-sharanyń ashylý saltanaty 2018 jyldyń 17 qyrkúıeginde, Muhtar Áýezov atyndaǵy qazaq memlekettik akademııalyq drama teatrynyń ǵımaratynda ótedi. Sol kúni saǵat 17.00-de Qazylar alqasy jáne Uıymdastyrý komıteti ókilderiniń qatysýymen baspasóz máslıhaty, saǵat 18.00-da is-sharanyń saltanatty ashylý rásimi ótedi.
Al, 2018 jyldyń 21 qyrkúıeginde saǵat 18.00-de M.Áýezov atyndaǵy qazaq memlekettik akademııalyq drama teatrynyń sahnasynda laýreattardy marapattaý men festıvaldiń jabylý saltanaty bolady.
Shara barysyndaǵy barlyq spektakl kórsetilimderine kirý tegin.
derekkóz: teatr baspasóz bólimi