Osy keshte «Qazaqstan» OKZ sahnasynda klassıka men estrada juldyzdary orkestr jáne hormen birigip tanymal ánderdi jańa úlgide oryndap usynady. Ǵalymjan Moldanazar, Shaba Ádenqul, Meıir Baınesh, Jubanysh Jeksenuly, Marsel, Qanat Omarov, Ernar Nurtazın, Berik Batyrhan ı Gúlmıra Quttybadamova – «SAMǴAÝ» konerti ártúrli baǵyttaǵy oryndaýshylardyń túıisý ortalyǵyna aınaldy.
Joba avtory - Janııa Áýbákirovanyń aıtýynsha, barlyq qazaqstandyqtardyń súıikti áýenderi jobanyń júzege asyrylýyna serpin berdi. Bul – qazaq án mádenıetiniń aldyndaǵy ózderiniń ishki áleýetin ashyp, adamzat mýzykasy mádenıetiniń ajyramas bóligine aınalýyn qajet etetin kásibı mamandardyń kópten kútken armany men «ózindik» mindeti.
«Ár urpaqtyń qazaq ánderi álemdik óner qazynasynyń jaqsy úlgilerine sáıkes keletin sulýlyǵymen, tereń mazmundylyǵymen qundy mura bolyp tabylady. Shynaıy qýat, sulýlyq, bala kezinen tanys áýenderdiń mańyzdylyǵy ózin-ózi tanytsa eken deımin», - deıdi J.Áýbákirova.
Konert baǵdarlamasy ártúrli tarıhı kezeńderden, onyń ishinde – sal-seri men jyraýlar dástúri (18-19 ǵǵ.), keńes kezeńiniń estradasy, HH-HHI ǵǵ. kásibı kompozıtorlyq mektebi, zamanaýı tanymal mýzykadan quralǵan. «Jigitter jyry», «Baqyt qushaǵynda», «Óz elim», «Aıbozym» jáne t.b. qazaqstandyqtarǵa tanymal ánder jańa, tipti kútpegen nusqalarda oryndalady. Gıtaranyń aýyr rıftary, ótkir tango yrǵaqtary men Bah horaldary – bul «SAMǴAÝ» konertine kelgen tyńdaýshylardy kútip turǵan jańalyqtardyń az ǵana mólsheri.
Taza janrlar men óńdeý stılder aıasynan shyǵyp, túbegeıli jańashyldyqty jasaý úshin eń úzdik otandyq kompozıtorlar men óńdeýshiler - Renat Gaısın, Shyryn Bazarqulova, Sátjan Shámenov, Ilıa Bashkatov jáne Danııar Berjaprakovtar jobaǵa shaqyrtyldy. Materıaldy beıimdeý jumystary boıynsha sońǵy jyldary jańa shyǵarmalardyń bolmaýynan zardap shekken jergilikti orkestrlerdiń repertýarlyq sheńberlerin keńeıtip, sheteldik ujymdarǵa óz baǵdarlamalaryndaǵy jarqyn jáne erekshe partıtýralardy paıdalanýǵa múmkindik beretinin atap ótý mańyzdy.
«Konerttik baǵdarlamaǵa engen uly áýender ártúrli deńgeıdegi orkestrler repertýaryn bezendirip, Qazaqstan mádenıetin jahandyq álemde laıyqty túrde kórsetýine múmkindik beredi», - deıdi Janııa Áýbákirova.
«SAMǴAÝ» konerti Elordamyzdyń 20 jyldyǵyna oraı uıymdastyrylyp, Astana qalasy ákimdiginiń qoldaýymen ótkizilýde.
28 qyrkúıek, 19:00
Meken-jaıy: «Qazaqstan» OKZ, «Máńgilik el dańǵyly, 10/1, Astana 010000