Atalǵan týyndyny QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirdi.
«13 shaqyrym» atty derekti fılm Serik Bodanbaev esimdi zaǵıp týraly baıandaıdy. Qystaýdan óz aýylyna qaraı bet alǵan basty keıipker óz ómiriniń eleýli sátterin eske alyp, óz boıyndaǵy qundylyqtarynyń syryn ashady.
«Fılmniń basty keıipkeri – rýhy bıik tulǵa. Janarynan aıyrylsa da, qıyndyqtarǵa moıymaı, óz bolashaǵyn oılaıdy. Bul festıvalge sol úshin de unaǵan bolar,- dep oı bólisti fılmniń rejıseseri Vladımır Tıýlkın.
«Rýhy bıik» festıvali Serbııanyń pravoslavıelik shirkeýi men Halyqaralyq pravoslavıelik halyqtardyń birligi qoǵamdyq qorynyń qoldaýymen ótkiziledi. Festıval baǵdarlamasyna pravoslavıelik dini bar elderdiń shyǵarmashylyq ujymy túsirgen kórkem jáne derekti fılmder qatysa alady. Sonymen qatar festıval sheńberinde taqyryptyq kórmeler, dóńgelek ústelder, shyǵarmashylyq kezdesýler men basqa da is-sharalar ótkiziledi. Festıaldiń irikteý komıssııasy pravoslavıe dini taqyrybynda, nemese adamdar ómiriniń dástúrli rýhanı-adamgershilik aspektilerine qatysty túsirilgen kórkem jáne derekti fılmderdi qabyldaıdy.
«13 shaqyrym»
Óndirisi: Sh.Aımanov atyndaǵy «Qazaqfılm» AQ
Uzaqtyǵy: 62 mınýt
Rejısseri jáne senarıı avtory: Vladımır Tıýlkın
Qoıýshy operatory: Iýrıı Pak
Komozıtory: Ǵalymjan Sekeev
Rejısser týraly aqparat:
Tıýlkın Vladımır Vıktorovıch – kınorejısser, aqyn. Táýelsiz «Platınaly Tarlan» syılyǵynyń laýreaty, Qazaqstan kınematografıster odaǵynyń múshesi. Eýrazııalyq Akademııasynyń múshesi. Lenıngrad memlekettik teatr, mýzyka jáne kınematografııa ınstıtýtynyń túlegi. Sondaı-aq ol KSRO Memkıno joǵarǵy kýrsyn (G.Chýhraıdyń sheberligi boıynsha) bitirgen. Rejısser V.Tıýlkınniń shyǵarmashylyǵynda ondaǵan derekti kınosy bar. Onyń fılmderi halyqaralyq beldi kınofestıvalderge qatysyp, júldeler alǵan. Amerıkanyń televızııalyq «Emmı» syılyǵyna úmitker bolǵan («Opyt kresta» fılmi úshin, 1997).