Mýltfılmniń tusaýkeserinde túsirilim toby, kınematografııalyq qaýym jáne ata-analarymen kelgen kishkentaı kórermender boldy. Keıipkerlerdiń is-áreketine qyzyǵa qarap otyrǵan kórermender kórsetilim sońynda fılm avtorlaryn dý qol shapalaqtap qarsy aldy.
Eki jarym jyl kóleminde jasalǵan bul fılmde 40-qa jýyq kınematografııanyń osy janrynda eńbek etip júrgen otandyq mamandar istegen. Uzaqtyǵy 65 mınýt quraıtyn mýltfılm 2D jáne 3D formatynda jasalǵan jáne ár sekýndynda 24-25 kadr sýret salynǵan. Keıipkerlerdi dybystaýǵa Erjan Jarylqasynuly, Janat Tynybaev, Samat Qordabaı, Tólebaev Erǵalı Dúısenuly, Alma Ádilqyzy esimdi teatr jáne kıno akterleri qatysqan. Al fılmge jazylǵan saýndtrektiń avtory tanymal ánshi ári kompozıtor – Ushqyn Jamalbek.
Esterińizge sala keteıik, «Muzbalaq» mýltfılmi otandyq prokatqa 2018 jyldyń 18 qazanynan bastap shyǵady. Adam men búrkittiń dostyǵy týraly baıandaıtyn kartınany QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy shyǵarǵan.
Annotaııa:
Erte zamanda adamdar kesirinen jer astyndaǵy aıdaharǵa aınalap kele jatqan abjylan oıanyp, jer betine shyǵyp, mańaıyn jalmap, qazaq aýylyna úlken apat ákelip, úreı týǵyzady. Ol aýyldy otqa orap, qarsy kelgendi jalmap kele jatqanda, bir qyran búrkit balapanyn qorǵap, onymen aıqasady. Aqyry abjylan qaıta jer astyna qashyp joq bolady. Al qyran otqa oranǵan uıadan balapanyn alyp, alysqa ushyp ketedi. Adam jutyp dánikken abjylan kún tutylyp, óziniń aıdaharǵa aınalar sátin asyǵa kútedi...
Anyqtamalyq aqparat:
Ataýy: «Muzbalaq»
Óndirisi: Sh.Aımanov atyndaǵy «Qazaqfılm» AQ
Janry: tolyqmetrli anımaııalyq fılm
Tili: qazaq
Qoıýshy-rejısserleri: Turdybek Maıdan jáne Tilek Tóleýǵazy
Senarıı avtorlary: Erbol Boranshy, Turdybek Maıdan, Tilek Tóleýǵazy, Adaı Ábilda
Qoıýshy sýretshileri: Adaı Ábilda, Turdybek Maıdan, Tilek Tóleýǵazy
Kompozıtorlary: Áset Danenov, Ushqyn Jamalbek
Montaj: Tilek Tóleýǵazy
Fılm dırektory: Erbol Boranshy
Dybys rejısseri: Jeńis Ekpin
Redaktorlar: Jamash Erjanat, Saltanat Dúngenbaeva
Mátin redaktory: Bolat Jetekbaı
Dybystardy jazǵan: Sergeı Fıgner
Dybys úılestirýshi:Vıtalıı Tkachenko