Qazaqtyń tenor daýysty birtýar ánshici Ámire Qashaýbaevtyń ǵumyryn baıandaıtyn fılmdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ «Dar Play» kompanııasymen birlese túsirgen.
Aıta ketsek, festıvaldiń alǵashqy kezeńinde Silver Screen Award júldesine úmitkerler qataryna baıqaýǵa qatysatyn ár eldiń birneshe fılmderi usynylǵan bolatyn.
Bul kezeńde Qazaqstan atynan alty birdeı kınotýyndy – úsh tolyqmetrajdy jáne úsh qysqametrajdy fılmder qarastyrylǵan. «Ámire» kartınasymen qatar Sh.Aımanov atyndaǵy «Qazaqfılm» kınostýdııasy jaryqqa shyǵarǵan úsh fılm baq synady, olar: tolyqmetrajdy fılmder baıqaýynda Tólegen Baıtókenovtyń «Satash» fılmi jáne Eljas Raqymbekovtyń «El Frıman» kartınasy, al qysqametrajdy fılmder bólimine Berik Jahanovtyń «Asan» fılmi qatysty.
Birinshi kezeńniń jeńimpazy, Silver Screen Award júldesiniń ıegeri «Ámire» fılmi endi Franııa, Germanııa, Chılı, Japonııa men Shveııa syndy basqa da 16 memleketten qatysatyn fılmdermen birge festıvaldiń basty júldesi úshin kúreske túsedi. Bul festıvalde fılmdi rejısser Djeff Vespa tanystyratyn bolady.
Jańa talanttardy ashatyn jáne táýelsiz kınony nasıhattaıtyn Gollıvýdtyk kınofestıval 1997 jyldan bastap ótkizilip keledi. «Úlken oqıǵalar álemdi ózgertetinin jáne álemimiz ózgeristerdi kútetinin bilemiz. Sonymen qatar, Gollıvýd – álemdik mádenıetti jyrlaıtyn táýelsiz kıno sýretkerler qatary jınalatyn tıimdi ári bedeldi orta»,- deıdi Hollywood Film Festival kınofestıvaliniń uıymdastyrýshylary.
Sondaı-aq, «Ámire» kartınasy Nıý-Iorkte qazannyń 10 men 14 aralyǵynda ótken «Výdstok» Halyqaralyq kınofestıvaline qatysty. Fılmdi kórermenge basty rólde oınaıtyn akter Sanjar Mádı usyndy. Akterdiń aıtýynsha, «Ámire» fılmine amerıkalyq kórermen tarapynan úlken qyzyǵýshylyq týyndap, bıletter túgel aldyn-ala satylyp ketken jáne zal kórermenge toly bolǵan.
- Kartınany kórsettik, halyqaralyq deńgeıge shyǵardyq. Eń bastysy fılm kórermenniń kóńilinen shyqty, - dedi Výdstoktik kınofestıval týraly Sanjar Mádı.
Anyqtamalyq aqparat:
«Ámire», uzaqtyǵy: 88 mınýt
Óndirisi: «Qazaqfılm» AQ, «Dar Play» kompanııasy
Bas Prodıýseri: Álıdar Ótemuratov.
Rejısseri: Djef Vespa (AQSh).
Operatory: Maksım Osadchıı (Reseı).
Senarıı avtory: Benjamın A. vann der Vın (AQSh).
Keńesshi: Jarqyn Shákárim, (QR Eńbek sińirgen qaıratkeri, Ámire Qashaýbaevtyń ómiri men shyǵarmashylyǵana arnalǵan eńbekterdiń avtory).
Akterler:
Ebbı Kornısh – Lı Ebbot
Sanjar Mádıev – Ámire
Erkebulan Daıyrov – Mustafa Shoqaı.
Ben Oldrıdj – Djordj Gershvın