Sh.Aımanov atyndaǵy «Qazaqfılm» kınostýdııasy QR Mádenıet jáne sport mınıstrliginiń tapsyrysy boıynsha túsirilgen «Satash» kartınasy qylmyskerlermen shaıqasqa túsken aýyldyń adal Satash esimdi ýchaskelik polıeıi týraly baıandaıdy. Ol aýyldy basyp alǵan qylmyskerlerge jalǵyz ózi tótep berip, boryshyn sońyna deıin óteıdi.
Fılmdegi basty rólderdi Aqylhan Almasov, Dına Tasbolatova, Shyńǵys Kapın jáne Erjan Núsipaqynovtar somdaıdy. Urys sahnalaryn qoıý Bahadyr Jalmetov pen «Jal» kaskaderler assoıaııasyna júktelgen. Túsirilimder Almaty oblysy, Qapshaǵaı qalasynan 40 km shaqyrymda ornalasqan Brıgadır aýylynda ótken.
Esterińizge sala ketsek, «Satash» fılmi jaqynda ǵana qazannyń 12-i men 21-i aralyǵynda ótken 34-shi Varshava kınofestıvaliniń konkýrstyq baǵdarlamasyna qatysqan bolatyn. Rejısser Tólegen Baıtókenovtyń aıtýynsha, fılmdi tamashalaǵan polshalyq kórermender men túrli elden kelgen BAQ ókilderi jyly lebizderin bildirip, kartınanyń unaǵany týraly aıtqan. Mysaly, SLANT Magazine atty amerıkalyq tanymal basylymynyń kınosynshysy Chak Boen festıval barysynda «Satash» fılmin tamashalap, bylaı dedi:
- Atalǵan kınotýyndy ásemdiligimen erekshelenedi. Fılmde bári úılesimdi, ár kadrlary oryndy, erekshe atmosferaǵa toly, oqıǵa jelisi de qyzyqty. Fılmniń sońy da oıdaǵydaı aıaqtalady, ár kompozıııasy este qalarlyq. Bul naǵyz zamanaýı vestern.
Anyqtama:
«Satash»
Óndirisi: Sh.Aımanov atyndaǵy «Qazaqfılm» AQ
Janry: vestern, drama
Uzaqtyǵy: 91 mınýt
Rejısseri: Tólegen Baıtókenov
Senarıı avtorlary: Tólegen Baıtókenov, Inna Baıtókenova, Andreı Ten
Qoıýshy operator: Aleksandr Rýbanov
Prodıýseri: Shynar Bóribaeva
Rólderde: Aqylhan Almasov, Dına Tasbolatova, Shyńǵys Kapın, Erjan Núsipaqynov
Tólegen Baıtókenov – senarıst, rejısser, jýrnalıst, kınosynshy. Qazaqstan kınosynshylar Assoıaııasynyń múshesi. «Turan» ýnıversıteti kıno óneri kafedrasynyń aǵa-oqytýshysy. «Altyn adam» ulttyq baıqaýynyń «Úzdik jýrnalıst» júldesiniń laýreaty. T.Júrgenov atyndaǵy óner akademııasynyń rejısserler daıyndaıtyn Joǵary kýrsynyń túlegi («Kıno rejıssýrasy» mamandyǵy boıynsha A.A. Eshpaıdyń jáne V.A. Fenchenkonyń sheberhanasynda oqyǵan). 2018 jyly Los-Andjelestegi Kalıfornııa ýnıversıtetiniń senarlyq sheberlik boıynsha bir jyldyq baǵdarlamasyna qatysqan. «Taıtalas» (2017) serıalynyń senarıı avtory, «Batyrdyń oralýy» (2018) derekti fılminiń senarıı avtory jáne rejısseri.