Bıyl «Bastaý» kınofestıvaline álemniń túkpir-túkpirinen 300-den astam usynym jiberilgen bolatyn. Irikteý komıssııasyn basqarǵan rejısser Ádilhan Erjanov konkýrsqa 22 elden kelgen 47 fılmdi tańdap alǵan.
- Bizdiń jas festıvalimiz bıyl jetinshi ret ótip jatyr jáne stýdenttik kıno men kınobiliminiń ózekti máselelerin talqylaıtyn naǵyz kásibı ortaǵa aınaldy.Bizdiń kishkentaı ǵana festıvalimiz qalamyzdyń myńdaǵan stýdentterine, sondaı-aq álemniń túkpir-túkpirinen kelgen jas kınematografısterge paıdaly bolǵanyna senimdimin, - dedi festıvaldiń prezıdenti Sergeı Ázimov.
Sondaı-aq festıval prezıdenti sahna tórinen festıvaldiń uıymdastyrýyna belsene aralasyp, qoldaý bildirgen demeýshilerge, seriktester men festıval dostaryna alǵysyn aıtty. Ásirese festıval prezıdenti Almaty qalasynyń ákimi Baýyrjan Baıbekke, Qazaq ulttyq óner Akademııasy men «Turan» Ýnıversıtetiniń basshylyǵyna erekshe alǵysyn bildirdi.
Kınofestıvaldiń qazylar alqasyna engen grýzın kınorejısseri, senarısti, jazýshysy ári pedagog Iraklıı Kvırıkadze(tóraǵa), montaj rejısseri Sılvan Kýtandın, reseılik aktrısa Elvıra Bolgova, qyrǵyz kınorejısseri, senarıst jáne prodıýser Temirbek Birnazarov, sondaı-aq, otandyq rejısser Sábıt Qurmanbekov uzaq talqylaýdan soń, «Bastaýdyń» júldelerin tómendegideı bólgen:
Gran-prı – «Záýre týraly hattar», rej. Adam Dýnaev, Reseı
Qazylar alqasynyń arnaıy júldesi – «Álem adamy», rej. Danııar Ázimov, Qazaqstan
«Er adam rolin úzdik somdaǵany úshin» prızi – Ahmed Varlı, «Keshegi qaldyq», Túrkııa
«Áıel adam rolin úzdik somdaǵany úshin» prızi – Elmıra Rahımjonova, «Ana», Ózbekstan
«Úzdik operatorlyq jumys» prızi – Vahtang Khýbıtıa , «Aıqaı», Reseı
«Úzdik senarıı» prızi – Iıe Kım, «Birge baramyz» derekti fılmi, Ońtústik Koreıa
Qazylar alqasynyń arnaıy atalymy – «Ashyq aspandaǵy sımfonııa», rej. Sıne Kole, Germanııa
Otandyq kınematografııaǵa qosqan úlesi jáne Qazaqstannyń jas kınematografısterin ósirgeni úshin prızi tanymal rejısser – Dárejan Ómirbaevqa berildi.
Oraz Ábishev atynan beriletin júlde «Atakásip» derekti fılminiń rejısseri Berik Jahanovqa tabystaldy.
«Bastaýdyń» negizgi qazylar alqasymen qatar Belorýssııa, Qyrǵyzstan, Reseı jáne Qazaqstannyń ókilderi kirgen stýdenttik qazylar alqasy da jumys istegen. Bul qazylar alqasyn VI Halyqaralyq «Bastaý» kınofestıvaliniń Bas júldesin jeńip alǵan ıspanııalyq rejısser Iago Mateo basqardy. Stýdenttik qazylar alqasy Gran-prıdi Qazaqstannan qatysqan Álisher Jádigerovtyń «Otaý» fılmine tabystap, erekshe atalymdy Sıngapýrlyq rejısser Teng Van Sınniń «Aq qalampyr» kartınasyna berdi.
Aıta ketelik, «Bastaý» HKF aıasynda qazylar alqasy jáne festıval qonaqtary sheberlik sabaqataryn ótkizip, shyǵarmashlyqy kezdesýlerge qatysty. Máselen, negizgi qazylar alqasynyń múshesi Elvıra Bolgova T.Júrgenov atyndaǵy QazUÓA stýdentterimen kezdesti, al otandyq rejısser Ádilhan Erjanov «Turan» ýnıversıtetiniń tálimgerlerimen áńgimelesip, tájirıbesimen bólisti.
«Mosfılmniń» dybysrejısseri Marına Nıgmatýllına jáne kınooperator, Karpenko-Karıı atyndaǵy ýkraındyq ýnıversıtettiń ustazy Evgenıı Fılıppov sheberlik saǵatyn ótkizip, jınalǵandarǵa mamandyqtarynyń erekshelikteri jaıynda sóz etti.
Sonymen qatar, «Turan» Ýnıversıtetinde fılmdi festıvalge taratý jaıly reseılik úzdik FESTAGENT platformasynyń koordınatory Olga Bajenova sheberlik sabaǵyn berdi. Lekııa taqyryby: «Fılmdi kınofestıvalge jyljytý: júıeli is-áreket».
Sondaı-aq, «Bastaý» festıvali aıasynda «Kınematograf, medıasfera jáne áleýmettiń rýhanı jańǵyrýdaǵy aqparattyq qaterler» taqyryppen halyqaralyq ǵylymı-tájirıbelik konferenııa ótti.
Jyl saıyn ótetin stýdenttik fılmder men kınomektepter basqosýy bıyl «Bastaý» halyqaralyq kınofestıvaliniń dırekııasy(TOO «Kınokompanııa Tanarıs Prodakshn»), Almaty qalasynyń ákimshiligi, T.Júrgenov atyndaǵy Qazaq Ulttyq óner Akademııasy, «Turan» ýnıversıteti jáne Sh.Aımanov atyndaǵy «Qazaqfılm» kınostýdııasynyń qoldaýymen ótkizildi. Festıval Prezıdenti – Qazaqstannyń eńbek sińirgen qaıratkeri, kınorejısser, prodıýser Sergeı Ázimov.
