Ashat Maksımuly Maemırov, Qazaqstannyń eńbek sińirgen qaıratkeri, PhD doktory, «Bolashaq» Prezıdenttik stıpendııasynyń ıegeri.
T.Júrgenov atyndaǵy Qazaq Ulttyq óner akademııasynyń túlegi.
2008 jyly Sorbona ýnıversıtetiniń magıstratýrasynda bilim alyp, Franııadaǵy Parıj Ulttyq drama óneri konservatorııasynda taǵylymdamadan ótti.
2010 jyly Máskeýdiń ataqty joǵarǵy oqý orny GITIS-te - Reseı teatr óneri akademııasynda «Rejıssýra magıstri» ǵylymı ataǵyn aldy.
2015 jyly T.Júrgenov atyndaǵy Qazaq Ulttyq óner akademııasynyń doktorantýrasyn támamdap, «Qazaqstannyń teatr rejıssýrasy: sabaqtastyq pen jańashyldyq (1991-2015 jj.)» taqyrybynda doktorlyq dıssertaııasyn qorǵap, «Fılosofııa doktory» ǵylymı dárejesine ıe boldy.
Eńbek jolyn Batys Qazaqstan oblystyq qazaq drama teatrynda rejısser bolyp bastady.
Qurmanǵazy atyndaǵy Oral mýzykalyq kolledjinde «Akterlik óner» bóliminiń meńgerýshisi, T.Júrgenov atyndaǵy Qazaq Ulttyq óner akademııasynyń «Teatr óneri» fakýltetiniń dekany, T. Júrgenov atyndaǵy Qazaq ulttyq óner akademııasynyń «Akter sheberligi jáne rejıssýra» kafedrasynyń doenti boldy.
Otandyq mádenıettiń qazirgi zamanǵy úzdik art-menedjerleri qataryna kiredi. Elimizdiń mádenıet pen óner salasyndaǵy belgili uıymdar – «Qazaqstannyń rýhanı qory» AQ, «Qazaq áýenderi» AQ jetekshilik etti.
2017 jyly qazaqstandyq mádenıettiń kósh basyndaǵy eń iri mýzykalyq ujymdardyń biri – «Qazaqkonert» Memlekettik konerttik uıymyn basqardy. Elordalyq «Astana mıýzıkl» teatrynyń kórkemdik jetekshisi jáne Qazaqstan teatrlar assoıaııasynyń vıe-prezıdenti bolyp tabylady.
Ashat Maemırov Ǵ.Músirepov atyndaǵy Qazaqtyń memlekettik akademııalyq balalar men jasóspirimder teatrynda «Qara shekpen» (G. Hýgaev), M.Áýezov atyndaǵy teatrda «Qoshtasqym kelmeıdi» (A.Volodın), «Ulym saǵan aıtam...» (B.Bedelhan) atty spektaklderdiń, Abaı atyndaǵy memlekettik akademııalyq opera jáne balet teatrynda S.Muhamedjanvtyń «Aısulý» operasy, «Astana Opera» teatrynda «Qyzjibek» operasyn sahnalaýǵa at salysty. Sonymen birge «Romeo men Djýletta» (J.Presgýrvık), «Qyz Jibek» (E.Brýsılovskıı), «Astana» (B.Ǵafý, A.Orenbýrgskıı) atty qazaqstandyq mıýzıklderdiń qoıýshy rejısseri retinde tanyldy.
Belgili qazaqstandyq rejısser Qazaqstannyń teatr ónerin birneshe ret Halyqaralyq sahnalarda tanystyrdy. Avstrııa, Belgııa, Germanııa, Izraıl, Reseı, AQSh, Túrkııa, Franııa, Armenııa, Grýzııa, Polsha, Chehııa jáne t.b. memleketterde ótkizilgen teatr festıvalderinde, sımpozıýmdar men forýmdarǵa qatysty. 2009 jyly Qazaqstan sahna óneriniń tarıhynda tuńǵysh ret Nıý-Iork qalasynda ótken M.Chehov atyndaǵy I Halyqaralyq teatr festıvalinde «Zooparktegi oqıǵa» spektaklimen (rej.A.Maemırov) laýreat atandy (AQSh). 2017 jyly onyń «Aqtastaǵy Ahıko» atty spektakli (rej.A.Maemırov) Tokıo qalasynda (Japonııa) qoıyldy. Ótken jyldyń sońynda «Uly Dala teatry» atty eýropalyq týrne sheńberinde «Qyz Jibek» mıýzıklin (rej.A.Maemırov) álemniń bes astanasy – Brıýssel, Parıj, Vena, Berlın jáne Máskeý qalalarynyń kórermenderi erekshe yqylaspen qabyldady.
Dál qazirgi ýaqytta «Astana Opera» memlekettik opera jáne balet teatrynda M.Tólebaevtyń «Birjan-Sara» operasyn sahnalaý ústinde. Sonymen qatar elimizd tuńǵysh ret ótkizilgen jáne ári qaraı dástúrli jalǵastyǵyn taýyp jatqan dúnıejúzilik «Astana» teatr festıvaliniń, Q.Súgirbekov atyndaǵy jas rejısserlerdiń respýblıkalyq forým-festıvaliniń, «Sahnager» ulttyq teatr syılyǵy-festıvaliniń art-dırektory.
IýNESKO janyndaǵy Halyqaralyq teatr ınstıtýtynyń Qazaqstandaǵy jumysyn júrgizý mártebesine ıe - memleketimizdiń teatr ujymdarynyń basyn biriktiretin Qazaqstan teatrlar assoıaııasynyń vıe-prezıdenti.
Ashat Maksımuly buǵan deıin M.Áýezov atyndaǵy Qazaq memlekettik akademııalyq drama teatrynyń dırektory mindetin atqardy.