Dárejan Ómirbaev fılmderiniń retrospektıvasy Sh.Aımanov atyndaǵy «Qazaqfılm» kınostýdııasynyń qoldaýymen halyqaralyq prodıýser Iýlııa Kım uıymdastyrdy. Retrospektıva aıasynda kórsetiletin barlyq fılmderdi sandyq nusqaǵa QR Mádenıet jáne sport mınıstrligi qoldaýymen Qazaqstan Respýblıkasy Ulttyq sandyq kınokollekııasy aýdarǵan bolatyn.
- Keshe portýgaldyq kórermender Dárejan Ómirbaevtyń «Qaırat» jáne «Shilde» fılmderin tamashalady. Keshti festıvaldiń dırektory Paolo Branko júrgizdi. Kórsetilim uzaqqa sozyldy, halyq kóp boldy. Kórsetilimnen keıin kórermender rejısserǵa alǵysyn bildirip, Lıssabonda retrospektıvany uıymdastyrǵany úshin rızashylyǵyn bildirdi, - dedi halyqaralyq prodıýser Iýlııa Kım.
Festıval sheńberinde Dárejan Ómirbaevtyń basqa da fılmderi kórsetiledi, olar: «Kardıogramma», «Kıller», «Doroga», «Shýga» jáne «Stýdent» fılmderi.
Aıta ketsek, baǵdarlama aıasynda brıtandyq rejısser Maık Lı, amerıkandyq rejısser Pol Shreder, ıtalıandyq rejısser Marıo Martone jáne brazılııalyq rejısser Valter Sallestyń retrospektıvalary ótedi.
Esterińizge sala ketsek, 2012 jyly Dárejan Ómirbaevtyń «Stýdent» fılmi Lisbon & Sintra Film Festival kınofestıvaliniń konkýrstyq baǵdarlamasynda kórsetilip, qazylar alqasynyń arnaıy júldesin alǵan bolatyn.
