Astanalyq KADMII sýretshiler toby «EsilArt» QQ-men birlesip, sýretshi Baqyt Búbiqanovany qoldaý úshin Almaty qalasynda Á. Qasteev atyndaǵy QR Memlekettik óner mýzeıiniń Ortalyq kórme zalynda qaıyrymdylyq kórmesin ótkizedi.
Baqyt Búbiqanova – qazirgi zaman óneriniń sýretshisi. Ol barynsha túrli shyǵarmashylyq jobalarǵa qatysyp keledi. Qazir Baqyt aýyr dertpen kúresýde. Buryn bastalǵan emin shet elde odan ári jalǵastyrý úshin oǵan 20 000 eýro kerek bolyp tur. Baqytqa kómektesýge nıet etken árbir adam shamasy kelgenshe úles qosýyna bolady. KADMII tobynyń músheleri Baqyttyń dertten aıyǵyp, qatarǵa qosylyp ketetinine, áli de talaı bıik asýlardan ótetinine kámil senimdi. Satylǵan sýretterden túsken qarajattyń 50 %-y Baqyttyń esebine aýdýrylady.
KADMII sýretshiler toby 2015 jyly qurylǵan. Toptyń qatysýshylary – ózderin astanalyq is-sharalarǵa belsene qatysýymen ózderin kórseti júrgen, qalalyq, respýblıkalyq jáne halyqaralyq konkýrstardyń júldegerleri, memlekettik nagradalar men syılyqtardyń jeńimpazdary bolǵan sýretshiler.
Osy jobaǵa qatysatyn sýretshiler: Natalıa Lıgaı, Gúlmaral Tátibaeva, Beıbit Ásemqul, Dıana Baǵashar, Álııa Qanybekova, Jeńis Moldabekov. Bul – Dıana Baǵashardyń alǵashqy kórmesi. Ol kórermender nazaryna túspen jáne faktýramen batyl eksperıment jasaǵan abstraktyly keskindemesin usynady. Tutastaı alǵanda, «UPDATE» kórmesinde zamanaýı ıntererlik keskindeme jáne sándi-qoldanbaly óner týyndylary – kollajdar, kıiz pannolar, sondaı-aq aralas tehnıkada oryndalǵan jumystar bar – bári 50-ge tarta jumys qoıylatyn bolady.
Kórmeniń ataýy jańarýdyń, jańǵyrýdyń kóp qyrly uǵymyna kelip saıady. Bizge búkil ómir boıy túrli kúrdeli keezńderden ótip, soǵan tótep berýimizge týra keledi, sonyń arqasynda biz nyǵaıa túsemiz, sóıtip baǵa jetpes tájirıbe jınap, ózimizdiń bilim-tanymymyzdy keńeıte túsemiz. Jańarý proesi rýhanı ómirimizdiń bir bólshegi ekeni aıan. Tabıǵattyń ózi jyl saıyn jańaryp otyrady, onda bolyp jatqan qubylystar da qatań túrde tabıǵattyń yrǵaǵyna baǵynyp, kezeńimen bolyp jatady. Árbir sýretshi ózinshe osy damý qubylystaryn ózinshe beınelep kórsetýge tyrysady. Jańarý degenimiz – qıyn jdaǵdaılardan shyǵa bilý, kúsh-qýattyń quıylýy, jańa ıdeıalardyń týyp, olardyń júzege asýy.
Sýretshiler mýzeı basshylyǵy men qyzmetkerlerine osy kórmeni tegin ótkizýge múmkindik bergenine alǵysyn bildiredi.
Biz Baqytqa shyn júrekten zor densaýlyq pen shyǵarmashylyq shabyt tileımiz!
Kórme 2019 jyldyń 24 aqpanyna deıin jalǵasady.
