Esimǵalı Jumanov 1946 jyly Soltústik Qazaqstan oblysy, Presnov aýdanynyń Býdennyı keńsharyndaǵy Kalınovka aýylynda dúnıege kelgen. 1975 jyly V.N. Gogol atyndaǵy Almaty kórkemsýret ýchılıesin aıaqtaǵan soń, sol jyly Máskeý qalasyndaǵy V.I. Sýrıkov atyndaǵy kórkemsýret ınstıtýtyna oqýǵa tústi. Talaby bıik talǵamy joǵary E.Jumanov bul oqý ornyn da 1981 jyly úzdik tamamdap, Almaty qalasyndaǵy kórkemsýret ýchılıesine arnaýly pánderdiń oqytýshysy etip jiberildi. Osy jyldan bastap Sýretshiler odaǵynyń múshesi.
Jumystary respýblıkalyq, aımaqtyq, búkilodaqtyq, dúnıejúzilik kórmelerge qoıyldy. Shyǵarmalary Franııanyń Parıj qalasynda ótken «Qazaqstan mádenıeti», Iran, Tegeran qalasynda shymyldyǵyn túrgen Dúnıejúzilik musylman elderi jáne Resseıdiń Máskeý qalasynda uıymdastyrylǵan Sýretshiler Odaǵynyń halyqaralyq kórmelerinde, Germanııanyń Magdebýrg qalasynda jalaýyn kótergen «Eýropa-Azııa» 2-shi halyqaralyq baıqaýynda kópshilik nazaryna usynyldy. Onyń kórkem týyndylary qyrǵyz, qytaı, túrik halyqtaryna keńinen tanylǵan. Kórmege sýretshiniń 90-nan asa keskindemelik, grafıkalyq jáne ınstallııaııalyq jumystary qoıylady. E. Jumanovtyń kórmege qoıylǵan týyndylarynyń ıdeıasy men mazmunynyń jelisi birin-biri jalǵastyryp, adamzat boıyndaǵy tylsym dúnıelerdi aıshyqtaýǵa baǵyttalady. Onyń shyǵarmashylyǵy erekshe dúnıetanymdylyq kózqarastardan turady. Adam bolmysynyń máni men ómirdegi orny, qoǵamdaǵy túıtkil máseleler, jalpy álemdegi ózgerister sýretshi qylqalamynan shyqqan san túrli boıaýlar men ushtasyp otyrady. Týǵan dala tabıǵatyn, qazaq halqynyń ulttyq nanym-senimine tereńinen boılap, polotnalarynda ózindik kórkem tásilmen jetkizedi.
E. Jumanovtyń shyǵarmashylyǵynda portret, peızaj, natıýrmort janrlary mıstıkalyq sıýrrealızm baǵytymen úndesip, dramatızmge toly týyndylarmen beınelenip keledi. Shyǵarmashylyǵynyń alǵashqy jyldarynda orys mektepterinen alǵan sheberligine júıeli qurylǵan kompozıııalardy dúnıege ákeldi. Sýretshi táýelsizdik jyldaryna deıin keskindemeniń ár alýan baǵyttarymen, beıneleý tásilderimen birge qazaq jerindegi saıası tolǵanystardy taqyryptaryna arqaý etti. Keskindemeshiniń 1983 jyly jazylǵan «Qara, aq, qyzyl» atty týyndysynda qoıý qara tústi fonǵa aq jáne qyzyl beıneler jazylǵan. Munda sýretshi aınalany túnek basqan álemniń shyrmaýynan shyqqysy kelip, talpynyp jatqan qazaq halqynyń jaı-kúıin astarlap jetkizedi. Sonymen qatar «Qara ıttiń kóleńkesi», «Qańǵybas», «Keńistik» jáne t.b. shyǵarmalarynda, qoǵamdaǵy áleýmettik óktem taptyń máseleleri men shyryldaǵan halyqtyń jan aıqaıyn qylqalamnyń syrymen jyrlaǵan. Sol kezeńdegi, el ómirine synı kózben qarap, týra bılerden qoldaý kútkendeı áserli jetkizedi.
E. Jumanov «Arbanyń uzaq keńistigi», «Túrkistan-Iassaýı nury»,«Uly kóshpendiler», «Ál-Farabı. Otyrar kitaphanasy», «Edil men Rım qasqyry. XXI ǵasyr», «Keshki qonaq», «Ana», «Áke», «Máńgiliktiń aldynda», «Aqyn Mahambettiń ólimi», «Azııa hanym», «Ananyń árýaǵy» t.b shoqtyǵy bıik eki júzge jýyq shyǵarmanyń avtory. Sýretshiniń týyndylary onyń ónerdegi izdenisteriniń nátıjesi.
Týyndylary Á.Qasteev atyndaǵy QR Memlekettik óner mýzeıinde, QR Prezıdentiniń rezıdenııasynda, shetelderdegi AQSh, Franııa, Germanııa, Túrkııa, Shveıarııa, Gollandııanyń jeke kollekııalarynda, Pekın mýzeılerinde (QHR) saqtaýly.
Kórme 2019 j. 3 naýryzǵa deıin jalǵasady.
Kórme jetekshisi - Gúlnur Jubanova