1983 jyly N.V. Gogol at. Almaty kórkemsýret ýchılıesin, 1988 jyly Almaty Memlekettik teatr-kórkemsýret ınstıtýtyn támamdady.2000 jyldan T. Júrgenov at. Qazaq Ulttyq óner akademııasynyń kolledjinde oqytýshylyq qyzmet atqaryp keledi. 2003 jyly Janattyń bastamasymen qondyrǵyly grafıka mamandyǵy ashyldy.
Sýretshi jastar arasynda ótetin kórmelerge, sondaı-aq aımaqtyq jáne shet eldik kórmelerge jıi qatysyp turady, jumystary shet elderdiń túrli galereıalary men jeke jınaqtamalarynda saqtaýly.
Janat óziniń jeke kórmesine 50-den astam keskindemelik jáne grafıkalyq týyndylaryn qoıdy. Bular – ulttyq stılde jazylǵan turmystyq jáne sıýjettik kartınalar, natıýrmorttar, portretter men peızajdar.
Keskindemelik jáne grafıkalyq jumystary túrli kórkemdik stıl men tehnıkada oryndalǵanymen, sýretshiniń gratografııa men tústi grafıkaǵa yqylasy basym.
Janat Kóshen tynym tappastan shyǵarmashylyq izdenis ústinde júredi, túspen, syzyqpen, formamen jáne tús pen kóleńkeniń qarama-qarsylyǵymen batyl eksperıment jasaıdy, pastelmen, gýashpen sýret salady. 2016 jyldan gratografııada týsh, gýash jáne akvarel úsheýin úılestire bastady.
Kóp boıaýly ádemi de áserli shyǵarmalaryn shyǵys ańyzdary men áfsanalarynyń jelisimen týyndatqan. Shyǵys pen Batystyń mádenı murasyn zerttep-zerdelep, oı eleginen ótkizgen sýretshi ýaqytpen «kózbe-kóz» baılanys ornatady. Asyqpaıtyn birqalypty yrǵaǵy bar, nur sáýleli boıaýlar men shynaıy jáne ertegilik obrazdarǵa toly san kelbetti jáne alýan tústi álemdi Janat óziniń eshkimge uqsamaıtyn kórnekti de kórkemdik tásilimen beınelegen.
Kórme 2019 j. 29 naýryzǵa deıin ótedi.
Kórmeniń jetekshisi
Nurfeıizova Nurjamal Bekbosynqyzy,
Qazaqstan qoldanbaly óner bóliminiń aǵa ǵylymı qyzmetkeri