Bul 9 batyl jastyń, 9 túrli shynaıy oqıǵasyn sýret arqyly beınelengen foto-kórme.
Kórmeniń maqsaty 9 adamnyń ózindik erekshelikteri kórsetilgen sýretter arqyly adamdarǵa ózin-ózi qabyldaýǵa qoldaý kórsetý. Ár sýrettiń janynda beınelengen keıipkerdiń óziniń boıynda qabyldaı almaı júrgen syrtqy kelbeti jaıyndaǵy kompleksi jazylǵan.
Lera atty keıipker: «kóp jaǵdaıda adamdar kózimniń túsi eki túrli ekenin birden baıqamaıdy. Buryn bul úshin uıalatynmyn, al qazir ózimdi qabyldadym. Ózimdi jaqsy kóremin» - dep jazǵan.
«Aryq bolǵanymnan jáne omyraýymnyń kishkentaılyǵynan mektepte meni taqtaı dep mazaqtaıtyn. Munda turǵan eshnárse joq, men ózimdi qabyldadym. Osyndaı ekenimdi bári bilsin» - Gúldana.
«Densaýlyǵyma qandaı zardap keltiretinin bile tura, meniń basty maqsatym - artyq salmaqtan qutylý edi. Keıinnen dene bitimim qandaı bolǵanyna qaramastan, ǵajaıyp nárselerdi isteı alatynymdy túsindim»,- Katıa.
Tabıǵattyń bergen sulýlyǵyn ózgertemin dep tabıǵatty renjitip almaımyz ba? Plastıkalyq otalar jasatý, árkimniń qolynan kele beretin, zamanaýı ǵasyrda, bul 9 adamnyń batyldyǵyn aıryqsha atap ketýge bolady. Túzetilgen omyrtqalar men úlkeıtilgen erinderdiń arasynda tabıǵı shynaılylyqty sánge aınaldyrýǵa tyrysyp júrgen jastardyń jumystary kópshilik arasynda jaqsy qoldaýǵa ıe boldy. Al seniń shynaıy bolýǵa batylyń jete me?
