Sháken Aımanov ulttyq teatr men kıno óneriniń, ulttyq rejıssýranyń qalyptasyp, damýy úshin búkil ǵumyryn arnap, ólsheýsiz eńbek sińirdi. Osyǵan oraı 27 aqpan kúni Ortalyq memlekettik kıno-fotoqujattar jáne dybys jazbalar arhıviniń ujymy qalyń kórermenniń kózaıymyna aınalǵan fılmder avtorynyń esimin ulyqtaý maqsatynda ári Elbasynyń joldaýynda aıtylǵan «Jastar jyly» aıasynda kıno salasynda eńbek etip júrgen úzdik mamandardyń basyn qosyp, stýdent jastarmen kezdesý uıymdastyrdy.
Sharaǵa Ortalyq memlekettik kıno-fotoqujattar jáne dybys jazbalar arhıviniń dırektory Gúlmıra Muhtarova, «Qazaqfılm» AQ prezıdenti Baqyt Qaıyrbekov, elimizdiń belgili kınorejısserleri Jańabek Jetirýov, Vladımır Tıýlkın, Bolat Núsimbekov, kınotanýshy Baýbek Nógerbek jáne T.Q.Júrgenov atyndaǵy Qazaq ulttyq óner akademııasy "Ónertaný" fakýltetiniń "Kınotaný" men "Kınoteledramatýrgııa" mamandandyrýy boıynsha bilim alyp júrgen stýdentter, arhıv qyzmetkerleri qatysty.
Kezdesý barysynda Sháken Aımanov shyǵarmashylyǵy týraly arhıvtegi kıno-foto qujattardan daıyndalǵan beınerolık kórsetildi. Sondaı-aq, arhıv qorynan jınaqtalǵan «Qazaq kınosynyń atasy» atty fotokórme kórermen nazaryna usynyldy.
