Ortalyq mýzeı men Majarstan Bas Konsýldyǵy arasyndaǵy mádenı yntymaqtastyq baılanys jyldan-jylǵa nyǵaıýda. Sońǵy jyldary mýzeıge kelýshiler Majarstannyń tarıhy, mádenıeti týraly syr shertken: «Majarstan ǵylymynyń – merekesi», «Majarstan shyǵystanýshylary» syndy kórmelermen tanysty. Qalyptasqan dástúrdi jalǵastyra otyryp Ortalyq mýzeı Majarstan Bas Konsýldyǵymen birlesip «Buǵylar joly» kórmesin kelýshilerdiń nazaryna usynady. Kórme ańshylyq jáne tabıǵatty qorǵaýmen kásibı túrde aınalysatyn Odon Blaýmannyń foto shyǵarmashylyǵyna arnalǵan.
Kórmede jabaıy ańdardyń ómir súrý ortasyndaǵy túrli sátterin beıneleıtin túsirilimderdi tamashalaýǵa bolady. Fotosýretshiniń shyǵarmashylyq taqyryby bul joly Majar eliniń maqtanyshy, tabıǵatynyń injý-marjany buǵylar men elikterge arnalǵan. Odon Blaýman tek qana fotosýretshi emes sonymen qatar, kınotúsirilimdermen de aınalysady. Qazirgi tańda sýretshi DVD formatta 55 fılm túsirip, kórermenderge tartý etti. Fılmder: Avstrııa, Germanııa, Nıderlandy, Italııa, Belgııa elderinde kórsetilip zor qoshemetke ıe boldy. Onyń fılmderi «Ańshylyq – balyq aýlaý» telearnasynda jıi kórsetiledi. O. Blaýman ańshylyq mektepteri úshin birqatar arnaıy oqý fılmderin jáne ańshylyq kásibimen aınalasýshy kompanııalardyń jarnamalaryn túsirdi.
Odon Blaýmannyń jeke kórmeleri Vengrııanyń iri qalalary – Býdapesht, Sekeshfehervar, Pape, Peche, Zırende sondaı-aq, shetelder Germanııa (Dortmýnd q.), Avstrııada (Zalbýrg q.) ótti. Onyń jumystary ańshylar jýrnaldarynyń muqabasy, ańshy aqparattyq bıýlleteni (PIRSCH, WILD und Hund) betterinde, túrli kúntizbe, gazet, kitaptar basylymyn bezendirýde paıdalanyldy.
«Buǵylar joly» kórmesi budan 10-15 mıllıon jyl buryn Ortalyq Azııadan taraǵan ashatuıaqty buǵy tárizdes janýarlar dúnıesine arnaldy. Bul janýarlardyń Vengrııa tabıǵatyna beıimdelýi, qorshaǵan ortany jersinýi ańshylyq kásiptiń óristeýine yqpal etti. Majarstanda buǵy, elikterdiń Eýropa aımaǵyndaǵy eń úlken toby saqtalǵan. Memleket tarapynan qamqorlyqqa alynǵan ańdar osy kúnderi ańshylyq obektisine aınalyp otyr.
Kórme ekspozıııasyndaǵy Odon Blaýmannyń 65 týyndysy Vengrııanyń ásem tabıǵaty, janýarlar álemimen tanystyrady. Kelýshiler úshin arnaıy túsirilgen qysqa metrajdy fılm kórsetiledi.
Kórme Vengrııa men Qazaqstan arasyndaǵy mádenı baılanysty nyǵaıtýǵa yqpal etedi.
Kórme Tehnodom Operator AQ qoldaýymen uıymdastyryldy.
Kórme 2019 jyldyń 31 naýryzyna deıin jalǵasady.
Anyqtama telefondary: 264-46-50, 264-55-77