Atalǵan sharaǵa Qazaqstan, Túrkııa, Reseı, Indııa, Mońǵolııa, Qyrǵyzstan, Saha (Iakýtııa), Týva (Tyva) Respýblıkasy jáne taǵy da basqa elderdiń ónerpazdary qatysty. Baıqaý manasshylar, kúı óneri, ánshilik (estrada, opera, djaz jáne folklor janry), bı óneri, dızaınerler, qolóner sheberleri jáne akterlik sheberlik atalymdary boıynsha ótkizildi. «Tarıhı jazbalar» aqyn-jazýshylardyń talantyna taǵzym etip, «Akterlik sheberlik» nomınaııasy boıynsha kórkemsóz oqýdan Gran-Prıdi H. Bókeeva atyndaǵy Batys Qazaqstan oblystyq qazaq drama teatrynyń aktrısasy Elmıra Jumajanqyzy Maqasheva jeńip alsa jáne «Bı óneri» nomınaııasy boıynsha Ǵ. Qurmanǵalıev atyndaǵy Batys Qazaqstan oblystyq fılarmonııasynyń bıshileri Sultan Daýtov, Kamılla Halelova bas júldeni ıelendi. Aktrısa Elmıra Jumajanqyzy halyq jazýshysy Shyńǵys Aıtmatovtyń «Janpıda» romanynan úzindi oqyp, kórermenderdiń kózine jas úıirip, óziniń talantymen, kórkemsóz oqý sheberligimen tánti etti.
– Bul baıqaý meniń ómirimdegi eń baqytty sátterdiń biri. Sebebi ár eldiń maqtanyshtary, kil myqtylary arasynda elimizdiń namysyn qorǵaý maǵan ońaıǵa soqpady, bul – halyqaralyq baıqaý! – deıdi QR Mádenıet salasynyń úzdigi, aktrısa, aýdarmashy Elmıra Maqasheva.
Elmıra Jumajanqyzy qyrǵyz dramasyn qazaq tiline aýdarǵan. Mysaly, J. Ózúbekova «Tolǵaq» psıhologııalyq dramasy, B. Kalıachybaeva «Qońyraý» ańyz-ertegi, N. Musaeva «Senimdi dos ertegisi», t.b. pesalary elimizdiń teatrlarynda sahnalanýda. Mádenı shara buǵan deıin Shyńǵys Aıtmatovtyń 90 jyldyǵyna, Áshirali Aıtalıevtiń 95-jyldyǵyna, Kalyıbek Jekshenovtiń 65 jyldyǵyna, Emıl Toktobekovtiń 55 jyldyǵyna oraı uıymdastyrylǵan. Aıta keterligi, ótken jyly atalǵan festıvalde «Úzdik dástúrli ánshi» nomınaııasy boıynsha Ǵ. Qurmanǵalıev atyndaǵy oblystyq fılarmonııa «Oral sazy» orkestriniń ánshisi Kúlásh Qýanyshqalıeva bas júldeni jeńip alǵan bolatyn. Bıylǵy sharada ol festıvaldiń qurmetti qonaǵy retinde qatysty.
– Festıval – bul mereke! Jalpy osy is-sharaǵa myńǵa jýyq ónerpazdar qatysady, maqsatymyz ár eldiń óner adamdaryn biriktirip, talanttardy barsha álemge tanytý, – deıdi uıymdastyrýshy, ánshi Qaırat Salmakeev.
