Festıval Qazaqstandaǵy Jastar jylyna arnalady. Uıymdastyrýshylary – QR Tuńǵysh Prezıdenti – Elbasy Qory jáne Almaty qalasynyń ákimdigi. Sharanyń uıymdastyrý boıynsha Elbasy Qorynyń seriktesteri – BUU, EQYU jáne Konrad Adenaýer Qory.
Is-shara jas kóshbasshylardyń áleýetin damytýǵa, Ortalyq Azııa jastary úshin turaqty dıalog alańyn qurýǵa, aımaqtyq ıntegraııaǵa, seriktestik qurýǵa, Ortalyq Azııa elderiniń jastar resýrstaryn jumyldyrýǵa jáne jastar saıasatyndaǵy ozyq tájirıbemen almasýǵa baǵyttalǵan.
Festıval QR Tuńǵysh Prezıdenti – Elbasy Qorynyń atqarýshy dırektory Áset Isekeshevtiń, Almaty qalasynyń ákimi Baqytjan Saǵyntaevtyń, QR aqparat jáne qoǵamdyq damý mınıstri Dáýren Abaevtyń, «Nur Otan» partııasy tóraǵasynyń birinshi orynbasary Baýyrjan Baıbektiń jáne basqa da qurmetti qonaqtardyń qatysýymen ótedi.
Bul aýqymdy is-sharaǵa Ázirbaıjan, Qazaqstan, Qyrǵyzstan, Tájikstan, Túrkimenstan, Túrkııa jáne Ózbekstannan 300-den asa qonaq keledi dep kútilýde. Olar halyqaralyq uıymdardyń ókilderi, jastar kóshbasshylary, sarapshylar, qoǵam qaıratkerleri, ǵylym jáne mádenıet salasynyń qyzmetkerleri, startap – kásipkerler jáne sportshylar.
Festıval aıasynda qatysýshylar aımaqtyq máseleler men problemalardy talqylaıdy. Sessııalar barysynda IT tehnologııalardy jáne kıberqaýipsizdikti, kóshi-qon máselelerin jáne zııatkerlik kapıtaldy saqtaý, eriktilik, salaýatty ómir saltyn qalyptastyrý, bilimge qol jetimdilik, kóp ultty qoǵam - beıbitshilik pen kelisim modeli jáne t.b. máselelerine erekshe kóńil bólinedi.
Osy baǵyttardy talqylaýǵa 30-ǵa jýyq saıası jáne qoǵam qaıratkerleri, ómirlik maqsattarǵa qol jetkizýde aıtarlyqtaı tájirıbesi bar jas kóshbasshylar qatysady. Olardyń «Óńirlik damý» qoǵamdyq birlestigi tóraǵasynyń keńesshisi Aıdan Ramazanova (Ázirbaıjan), Konrad Adenaýer qorynyń Qazaqstandaǵy ókildiginiń dırektory Tomas Helm (Germanııa), Nur-Sultan qalasyndaǵy EQYU-y keńsesiniń saıası suraqtar boıynsha keńesshisi Kolın MakKallaý, Qyrǵyz Respýblıkasy Ulttyq Qyzyl Jarty Aı qoǵamynyń eriktiler men jastardyń bas prodıýseri, ulttyq úılestirýshi Aısulý Kangeldıeva jáne basqalar bar.
Qosymsha aqparat www.cayf.kz saıtynda.