Aqan Abdýalıev 1975 jyly Almaty oblysy, Jambyl aýdany, Shıen aýylynda týǵan.
2005 jyly Qurmanǵazy atyndaǵy Qazaq Ulttyq Konservatorııasyn halyq áni mamandyǵy boıynsha ánshi, oqytýshy;
2012 jyly Almaty ekonomıka jáne statıstıka akademııasyn ekonomıst mamandyǵy boıynsha bitirgen.
Eńbek jolyn Taldyqorǵan qalasynda Súıinbaı atyndaǵy Almaty oblystyq fılarmonııasynyń jeke oryndaýshysy bolyp bastaǵan.
Aqan Jylqyshybaıuly sanaly ǵumyryn óner salasyna arnaǵan azamat. Ol Súıinbaı atyndaǵy Almaty oblystyq fılarmonııasynda ánshi, J.Elebekov atyndaǵy Respýblıkalyq estrada – ırk kolledjinde, Qurmanǵazy atyndaǵy QUK ustazdyq qyzmetter atqaryp, T. Júrgenov atyndaǵy Qazaq ulttyq óner akademııasy mýzyka fakýltetiniń «Dástúrli mýzyka oryndaýshylyq» kafedrasynyń meńgerýshi qyzmetin atqardy.
2008-2009 j.j. A.Jubanov atyndaǵy QOMMMI dırektorynyń mýzyka isi jónindegi orynbasary.
2009-2015 j.j. A. Jubanov atyndaǵy RQMMMI dırektory qyzmetin atqardy.
2015-2016 j.j. Jambyl atyndaǵy qazaq memlekettik fılarmonııasynyń dırektory.
2016 jyldyń maýsym aıynan - Almaty oblysynyń mádenıet, arhıvter jáne qujattama basqarmasynyń basshysy bolǵan.
2018 jyldan bastap Almaty oblysy ákiminiń orynbasary qyzmetin atqarǵan.
2003 jyly «Aǵama syr» lırıkalyq óleńder jınaǵy, 2004 jyly «Ǵasyrlar úni», 2008 jyly «Jetisý aqyndarynyń jyr saryndary» atty notalyq úlgimen ǵylymı zartteýleriniń avtory.
2004 jyly «Súıinbaı men Qataǵannyń aıtysy» dısk albomy jaryq kórdi. «Qazaqtyń 1000 áni», «Qazaqtyń 1000 kúıi», «50 Batyrlar dastany» t.b. antologııalyq dıskler jınaǵy redaqııa alqasynyń múshesi.
Qazaqtyń án, jyr, kúı, terme-tolǵaýlaryn nasıhattaý barysynda «Qazaqstan» ulttyq telearnasyndaǵy «Altybaqan» «Jetisaz» «Aýyldyń alty aýyzy» t.s.s habarlarǵa qatysty. «Qazaqtyń 100 áni», «Telqońyr» mýzykaly tanymdyq habarlarynyń júrgizýshisi ári avtory. Sonymen qatar «Injý marjan», «Máńgilik saryn», «Astana arqaý» dástúrli mýzyka festıvaldarynyń uıymdastyrýshysy ári júrgizýshisi.
Qazaqstan Respýblıkasynyń Eńbek sińirgen qaıratkeri, Halyqaralyq «Shabyt» jastar festıvaliniń laýreaty,
Memlekettik «Daryn» jastar syılyǵynyń, Y.Altynsarın atyndaǵy tós belgi, birneshe merekelik medaldardyń ıegeri.