Uıymdastyrýshylardyń aıtýynsha, Elbasy Qorynyń turaqty qoldaýy olardyń senimdiligin arttyryp, festıvaldiń deńgeıin jaqsartýǵa kúsh beredi. Sondaı-aq, tórtinshi Baiqonyr ISFF baǵdarlamasy aıtarlyqtaı jańardy - halyqaralyq deńgeıge shyqty. Baǵdarlamanyń ózgerýi turǵysynda baǵdarlama dırektory Erjan Jumabekov aıtyp berdi:
«Bizdiń bıylǵy jylǵy «Ushqyn» jáne Oberhausen International Short Film Festival syndy jergilikti jáne sheteldik kınofestıvaldermen seriktestigimiz qatysýshylardyń jańa ortamen tanysyp, tájirıbe almasýyna jáne baılanys ornatýǵa múmkindik berdi. Buryn belgili rejısserlar nemese ýnıversıtet túlekteri túsirgen fılmderdi kórsetsek, bıyl stýdentterdiń jumysyna nazar aýdardyq. Kınofestıval baǵdarlamasyn qurý barysynda bıylǵy jyldyń jastar jyly bolyp jarııalanýyn eskerdik. Sol sebepti, óz salasynyń jas ári myqty mamandary – operator Azamat Dýlatov pen rejısser Serik Ábishev óz tájirıbelerimen bólisý úshin sheberlik saǵattaryn ótkizýge shaqyryldy. Sonymen qatar, eki jastyń mahabbatyn baıandaıtyn «Sý» fılminiń kórsetilimi bolyp, festıvaldiń baǵytyn aıqyndap berdi»
Tórtinshi Baiqonyr halyqaralyq kınofestıvaliniń jeńimpazdaryn qazylar alqasynyń eki quramy anyqtady. Otandyq qatysýshylardyń fılmderin baǵalaǵan halyqaralyq qazylar alqasynyń quramy: tóraǵa – rejısser, Oberhausen International Short Film Festival irikteýshisi Krıstıana Bıýhner, «Úmit» TMD elderi kınosy forýmynyń baǵdarlama dırektory Gýlbara Tolomýshova, rejısser jáne senarıst Serik Aprymov, Eurasian Creative Guild Film Festival dırektory Maıra Qarsaqbaeva, III Baiqonyr SFF jeńimpazy Tımýr Serdalın, prodıýser Danııar Ibragımov. Halyqaralyq baıqaýdy baǵalaǵan ulttyq qazylar alqasynyń quramy: tóraǵa – Máskeý halyqaralyq kınofestıvaliniń «Altyn Georgıı» ıegeri, rejısser Farhat Sharıpov, prodıýser Dıana Ashımova jáne operator Azamat Dýlatov.
- «Meni kınofestıvalge qazylar alqasy retinde shaqyrǵandaryńyzǵa rızamyn. Maǵan Qazaqstandaǵy qysqametlik kınonyń jaǵdaıy qalaı ekendigi árdaıym qyzyqtyratyn. Kóptegen jumystardy kóre otyryp, kórermenderdiń qysqametrli kınoǵa degen nazaryna, qyzyǵýshylyǵyna tań qaldym jáne rıza boldym. Qazaqstandyq jas kınogerlerge bir-birimen tanysyp-aralasýǵa, fılmderin kórsetýge múmkindik beretin alań qajet. Baiqonyr kınofestıvali olarǵa osyndaı múmkindik beredi, ol sondaı alańǵa aınaldy dep te oılaımyn» - deıdi halyqaralyq qazylar alqasynyń tóraǵasy Krıstıana Bıýhner.
Krıstıana Bıýhner, kórkemsýretti fılmderdiń janrynyń áralýandyǵyna qaramastan, qazaqstandyqtarǵa áli de damý kerektigin atap ótti. Onyń oıynsha, jergilikti rejısserlarǵa kóbirek eksperıment jasap, kınonyń damýynan habardar bolyp, kórermenge tyń, oı salarlyq jáne sezinetin taqyryptardy kórsetýdi oılaý kerek.
Sonymen, hylyqaralyq baıqaý nátıjesi:
- Qazylar alqasynyń arnaıy júldesi – «Izgorod», Mıhaıl Kýlýnakov (Altaı Respýblıkasy);
- Úzdik senarıı– «Vıdeoregıstrator», Sara Knar (Qazaqstan);
- Úzdik operator– «Franka», Pavel Skakýn (Belarýs);
- Úzdikakter– «Proaı», Salamat Nýrmambetov jáne Danıel Kýrmanalıev (Qyrǵyzstan);
- Úzdikrejısser– «51+», Danııar Abırov (Qyrǵyzstan);
- Úzdikfılm– «Proaı», Karash Janyshov (Qyrǵyzstan).
«Ushqyn»halyqaralyq kınofestıvaliniń ókilderi óziniń «Úzdik stýdenttik fılm» nomınaııasyn Álisher Jádigerovtyń «Qaǵaz tikushaq» fılmine tabystady.
Ulttyq baıqaýdyń jeńimpazdary:
- «Brodveı»tańdaýy— «Dombyra», Ramazan Halıolla;
- Qazylar alqasynyń arnaıy júldesi – «Dıplommen aýylǵa», Samǵar Raqym;
- Úzdik derekti fılm – «Hanskıe tany», Rabıǵa Orynbasarova;
- Úzdik qoıýshy-sýretshi – «Statýs ne svoboden», Asel Ýljebaeva;
- Úzdik akter–«Shoq», Sanjar Mýstafa;
- Úzdik aktrısa–«Qaǵaz tikushaq», Laýra Jadıger; «Jazdyń salqyn túni», Anel Islıamova;
- Úzdikoperator– «Baýyr», Aıdos Sýleımen;
- Úzdikrejısser– «Baýyr», Elaman Shaýbanov;
- Gran-prı – «Jazdyń salqyn túni», Ámir Ámenov.
IV Baiqonyr ISFF jeńimpazdaryna dıplommen qatar «Alǵashqy qadam» músini tabystaldy.
- «Men jas kınogerlerge senim men talpynys tilegim keledi. Óz shynaıylyǵyna jáne jasap jatqan jumysyna degen senim. Eger senimdiliktiń sezimi bolsa, siz mindetti túrde jeńiske jetesiz», - dep sózin qorytyndylady ulttyq qazylar alqasy tóraǵasy Farhat Sharıpov.