Bul "Sunny Production" kompanııasy "ShortBrothers" jáne "Arizona Productions" kompanııalarynyń qatysýymen jasaǵan rejısserdiń 8-shi tolyq metrli týyndysynyń álemdik tusaýkeseri bolady. Festıvaldiń halyqaralyq qazylar alqasynyń tóraǵasy – Malgojata Bela-Pavlıkovska, atyshýly Pavel Pavlıkovskııdiń "Sýyq soǵys" kartınasynyń prodıýseri jáne Lýkı Gýadanınonyń "Sýspırııa" fılmindegi basty rólderdi somdaǵan aktrısa.
Erjanov fılmi jeńimpazdary aldyn-ala belgilenip qoıylǵan kóshe tóbelesi boıynsha týrnırge qatysýdy sheshken Atbaı atty (Danııar Alshınov) kóshe bandıtynyń hıkaıasyn baıandaıdy. Biraq Atbaı bul jarysta jeńiske jetýdi ózine maqsat qoıady, sebebi ol úshin bul jeńis- jańa ómirdi bastaý, úlken sportqa oralý jáne súıikti áıeli Aıdany(Dınara Baqtybaeva) qaıtarý múmkindigi.. Rıngtegi Atbaıdyń basty qarsylasy, ataqty boksshy Rafaeldiń rólin akter Sanjar Mádı somdady. Al Asel Sádýaqasova Rafaeldiń yqpaldy prodıýseri Alııanyń beınesin iske asyrdy.
Sondaı-aq, Sádýaqasova fılmniń bas prodıýseri. Halyqaralyq ilgeriletý boıynsha prodıýser – Olga Hlaeva, atqarýshy prodıýser – Serık Abıshev, ekeýi de uzaq ýaqyt boıy Erjanovpen jumys istep kele jatyr. Senarııdi jasaý úshin Ádilhan Erjanov pen Inna Smaılova jumys istedi. Fılmniń operatory buryn Erjanovpen "Úkili Kamshat" fılminde qyzmet etken Erkinbek Ptyralıev. Qoıýshy sýretshi, rejısserdiń barlyq fılmderinde jumys istegen, taǵy bir turaqty seriktesi - Ermek Ótegenov. Fılmge mýzykany kompozıtor Sergeı Shegaı jasady.
- Men fılmdi festıvalde jeke ózim tanystyratynyma qýanyshtymyn. Árıne, jaqyn arada bizdiń kórermendergede fılmdi kórsetemiz degen úmittemin. Kezdeskenshe! - dedi Ádilhan Erjanov. Varshava kınofestıvali 1985 jyly qurylǵan jáne Kann, Berlın jáne Veneııa kınofestıvaldarmen qatar "A"klasyndaǵy festıvaldar qataryna jatady. Festıval óz aýdıtorııasyna álemdik kınematografııadaǵy eń jańa jáne qyzyqty trendterdi ashýdy maqsat etip qoıady.