Parıjdegi Cinéma Le Lincoln kınoteatrynda tórt kún ishinde otandyq kınotýyndylar, onyń ishinde «Qazaqfılm» kınostýdııasynyń fılmderi kórsetildi. Atalǵan festıvaldi Qazaqstannyń Franııadaǵy elshiligi qoldaýymen Qazaq kınosy qaýymdastyǵy (Franııa) uıymdastyrǵan.
Mádenı is-sharanyń negizgi maqsaty kınematografııa salasyndaǵy eki el arasyndaǵy ekijaqty qarym-qatynastardy nyǵaıtý, sondaı-aq kórermenderdi Qazaqstannyń qazirgi kınosymen tanystyrý.
Qazaq kınosynyń festıvali«Aıka» fılmimen ashyldy. Bul kınotýyndynyń kórsetilimi Kann festıvalinde «Úzdik áıel adam róli» júldesimen marapattalǵan aktrısa Samal Eslıamova jáne fılmniń rejısseri Sergeı Dvorevoıdyń qatysýymen ótti.
Rejısser Rústem Ábdirashev jáne aktrısa Madına Esmanova osy festıval barysynda kórermenderge «Qazaq handyǵy. Altyn taq» tarıhı fılmin tanystyrdy. Sondaı-aq «Anaǵa aparar jol» fılminiń kórsetiliminde Altynaı Nógerbek jáne Arýjan Jazylbekova, al Ámire Qashaýbaevtyń ómiri týraly baıandaıtyn rejısser Djeff Vespanyń «Ámire» fılminiń tanystyrylymynda akter Sanjar Madı qatysty.
Aıta ketsek, festıval barysynda Ermek Tursynovtyń «Shyraqshy» jáne Farhat Sháripovtyń «Tulǵalyq ósý trenıng» fılmderi, sondaı-aq Turdybek Maıdan jáne Tilek Tólýǵazy túsirgen «Muzbalaq» anımaııalyq fılmi kórsetildi. Mádenı is-sharanyń jabylý saltanatynda rejısser Doshan Joljaqsynovtyń«Qunanbaı» fılmi kórsetilip, barlyq qatysýshylarǵa estelik júldeler tabystaldy. Sonymen qatar festıval sheńberinde Vıktorııa Iakýbovanyń «Olma Djon» kórkem fılmi, Dana Musanyń «Kıeli bı» jáne Aıjan Qasymbekovanyń «Sý» atty qysqametrli fılmder kórsetildi.