Qazaqtyń ǵasyrlar boıy qalyptasqan saıatshylyq mádenıeti týraly syr shertetin anımaııalyq fılm búrkit pen adamnyń dostyǵy týraly baıandaıdy.
- Eýropada ótip jatqan kezekti festıvalge bizdiń «Muzbalaq» qatysyp jatyr. Bul eýropalyqtardyń otandyq anımaııaǵa degen qyzyǵýshylyǵynyń belgisi. Sondyqtan da «Muzbalaq» qanatyn keńge jaıa bersin, sáttilik tileımin, - dedi «Qazaqfılm» kınostýdııasy anımaııalyq birlestiginiń jetekshisi Adaı Ábilda.
Schlingel festıvalin Germanııanyń balalar men jasóspirimder jónindegi Sakson qyzmeti uıymdastyrǵan. Festıval urany – «Kınony halyqqa jetkizý». Baıqaýdyń basty maqsaty – shet aımaqtarda turatyn jastardy kıno álemindegi jańalyqtarmen tanystyrý, sondaı-aq kıno óneri arqyly jasóspirimderge tálim-tárbıe, bilim berý.
Esterińizge sala ketsek, byltyr «Muzbalaq» fılmi Qazaqstannyń kınematografıster odaǵy taǵaıyndaǵan «Qulager» syılyǵy – «Úzdik anımaııalyq fılm» júldesimen marapattalǵan. Sonymen qatar, anımaııalyq týyndy Reseıde ótken XVII Halyqaralyq «Alaý rýhy» («Dýh ognıa») atty debıýttik fılmder kınofestıvaliniń jasóspirimder men balalarǵa arnalǵan baıqaýyna jáne Chehııanyń Zlın qalasynda ótken 59-shy balalar men jasóspirimderge arnalǵan «Panorama» festıvaliniń konkýrstan tys baǵdarlamasyna qatysty. Odan bólek, bul fılm Reseıde ótken 14 Halyqaralyq «Otbasymen birge» festıvalinde arnaıy júldege qol jetkizdi.
Atalǵan anımaııalyq fılm qazaqstandyq prokatqa byltyr kúzde shyqqan bolatyn.