«Kýnakı» festıvali – Reseı men sheteldiń kınogerleri, sondaı-aq televızııalyq baǵdarlamalardyń óndirýshileri bas qosatyn shyǵarmashylyq alań. Osymen on úshinshi ret uıymdastyrylǵan bul halyqaralyq festıval Kavkaz ben Reseıde ótetin mańyzdy mádenı is-sharalardyń biri.
«Ata-kásip» derekti fılmi «Qazaqstannyń túrki tektes halyqtary» ıkly boıynsha arnaıy túsirilgen. Bul derekti ıkl kóp ultty Qazaqstanda turatyn túrki etnosyna arnalǵan. Atalǵan derekti fılm ózbek ulty týraly, onyń ishinde ata-kásip – besik jasaýmen aınalysatyn 47 jastaǵy Abdýmanat Zýparov esimdi sheberdiń ómirin baıandaıdy.
Aıta ketsek, byltyr «Ata kásip» derekti fılmi Almatyda ótken VII Halyqaralyq «Bastaý» kınofestıvalinde Oraz Ábishev atyndaǵy «Eń úzdik derekti fılm» júldeni ıemdendi. Sondaı-aq Baýyrjan Nógerbektiń 70 jyldyǵyna arnaıy uıymdastyrylǵan kınofestıvalde qazylar alqasynyń júldesimen jáne «Vosmerka.kz» saıtynyń arnaıy júldesimen (taqyrypqa tereń úńilip, derekti fılmderdi túsirý dástúrine bar yqylaspen berilgeni úshin) marapattaldy. Bıyl «Ata kásip» fılmi Sevastopoldaǵy XV «Jeńiske birge jettik» («Pobedılı vmeste») halyqarylyq derekti fılmder jáne telebaǵdarlamalar kınofestıvalinde qazylar alqasynyń arnaıy júldesie qol jetkizdi.
Anyqtama:
Óndirisi: Sh.Aımanov atyndaǵy «Qazaqfılm» AQ
Jyly: 2018
Uzaqtyǵy: 40 mın
Rejısseri: Berik Jahanov
Senarıı avtory: Berik Jahanov, Farıza Jahanova
Qoıýshy operatory: Qýanysh Qurmanbaev
Kompozıtory: Jalǵasbek Rysberdi
Dybys operatory: Ilıa Garıev