Atalǵan derekti fılm Serik Bodanbaev esimdi zaǵıp týraly baıandaıdy. Qystaýdan óz aýylyna qaraı bet alǵan basty keıipker óz ómiriniń eleýli sátterin eske alyp, óz boıyndaǵy qundylyqtarynyń syryn ashady. Kınotýyndyny QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen.
Esterińizge sala ketsek, byltyr «13 shaqyrym» fılmi Brazılııada ótken Halyqaralyq «Eńserý» («Preodolenıe») kınofestıvalinde arnaıy júldege jáne Ekaterınbýrg qalasynda ótken HHVIII «Reseı» derekti kıno festıvalinde qazylar alqasynyń arnaıy júldesine ıe boldy. Sonymen qatar, fılm Serbııanyń Krýsheva qalasynda ótken Halyqaralyq «Rýhy bıik» («Sılnye dýhom») pravoslavıelik fılmder festıvalinde arnaıy júldemen marapattaldy.
Aıta ketsek, «Dıdor» kınofestıvaliniń konkýrstan tys – álemdik avtorlyq derekti fılmderge arnalǵan baǵdarlamasy sheńberinde «Qazaqfılm» kınostýdııasy shyǵarǵan «Ata kásip» (rej. Berik Jahanov) jáne «Chývash halqy. Qazaqstan – meniń ekinshi otanym» (rej. Dınara Manabaeva) atty derekti fılmder kórsetiledi.
«Dıdor» halyqaralyq kınofestıvali Tájikstan úkimeti jáne «Tájikfılm» Memlekettik uıymynyń qoldaýymen uıymdastyrylǵan. Jalpy, «Dıdor» kınofestıvali (kórkem jáne anımaııalyq baıqaýy) Dýshanbe qalasynda 2004 jyldan bastap ótkiziledi. Bıyl uıymdastyrylǵan derekti fılmder festıvali alǵash ret ótkizilmek.
Uıymdastyrýshylardyń aıtýyna qaraǵanda bıyl festıvalge qatysýǵa 200-ge jýyq fılm úmit bildirgen. Nátıjesinde baıqaýdyń irikteý komıssııasy 15 elden 57 derekti fılmdi tańdap alǵan eken.