Festıvaldi Qazaqstan Respýblıkasynyń Belarýs Respýblıkasyndaǵy Elshiliginiń qoldaýymen QR Mádenıet jáne sport mınıstrligi jáne «Qazaqfılm» kınostýdııasy uıymdastyryp otyr. Aıta ketsek, bul is-sharany Belarýs Respýblıkasynyń Prezıdenti Aleksandr Lýkashenkonyń aldaǵy Qazaqstanǵa josparlanǵan resmı sapary qarsańynda ótkizilip otyr.
Qazannyń 18-nde festıvaldiń ashylý saltanatynda qazaqtyń tenor daýysty birtýar ánshisi Ámire Qashaýbaevtyń ómiri týraly baıandaıtyn «Ámire» fılmi kórsetiledi. Sondaı-aq is-shara barysynda «Qazaqfılm» kınostýdııasynyń basqa da týyndylary – Rústem Ábdirashevtyń «Qazaq handyǵy. Altyn taq», Aqan Sataevtyń «Anaǵa aparar jol», Farhat Sháripovtyń «Qyzǵylt qoıan týraly hıkaıa, Ermek Tursynovtyń «Shal» jáne «Shyraqshy» fılmderi usynylady. Al kishkentaı kórermender tolyqmetrajdy «Muzbalaq» (rej. Turdybek Maıdan ı Tilek Tóleýǵazy) anımaııalyq fılmin tamashalaı alady.
Fılmder Mınsk qalasyndaǵy «Belarýs» kınoteatrynda (Romanovskaıa Sloboda kóshesi, 28)kórsetiledi. Kirý tegin.