Halyq jazýshysy, Qazaqstannyń Eńbek Eri, memleket jáne qoǵam qaıratkeri Ábish Kekilbaevtyń shyǵarmalaryn nasıhattaýǵa arnalǵan sahna báıgesi araǵa úsh jyl salyp halyqarlyq festıval dárejesinde ótti.
N.Jantórın atyndaǵy Mańǵystaý oblystyq mýzykalyq drama teatry sahnasyndaǵy Á.Kekilbaev atyndaǵy alǵashqy teatr festıvali 2016 jyly jeltoqsan aıynda, respýblıkalyq deńgeıde ótken bolatyn. Oǵan respýblıkamyzdyń aımaqtarynan alty jáne Reseıden Noǵaı teatry qatysqan edi. Bıyl, 2019 jyly Mańǵystaý oblysy ákimdiginiń quryltaıshylyǵymen, respýblıka Mádenıet jáne sport mınıstrligi men TÚKSOI-dyń qoldaýymen bul festıvalge alys-jaqyn elderdiń teatr ujymdary baq synasty. Atap aıtar bolsaq:
- Ovanes Abelıan atyndaǵy Vanadzor Memlekettik drama teatry (Armenııa);
- Geıdar Alıev atyndaǵy Tbılısı Memlekettik Ázirbaıjan kásibı drama teatry (Grýzııa);
- Beleh Savar Barbod teatry (Iran);
- Horezm oblystyq mýzykalyq drama teatry (Ózbekstan);
- Kamol Hýdjandı atyndaǵy mýzykalyq komedııa teatry (Tájikstan);
- Stambul Memlekettik teatry (Túrkııa);
- Lebap velaıatynyń Seııtnazar Seıdı atyndaǵy Memlekettik mýzykalyq drama teatry (Túrkmenstan);
- Muhtar Áýezov atyndaǵy Qazaq Memlekettik akademııalyq drama teatry (Qazaqstan);
- Júsipbek Aımaýytov atyndaǵy Pavlodar oblystyq qazaq mýzykalyq drama teatry (Qazaqstan);
- Nurmuhan Jantórın atyndaǵy Mańǵystaý oblystyq mýzykalyq drama teatrlary (Qazaqstan) óner kórsetti.
Qazaqstan respýblıkasynyń prezıdenti Qasym-Jomart Toqaevtyń tapsyrmasymen halyq jazýshysynyń 80 jyldyq mereıtoıy respýblıka kóleminde laıyqty atap ótilmek. Óziniń týǵan jerinde ótetin merekelik sharalardyń ishindegi eń bir aıtýlylarynyń biri de osy festıval boldy.
Á.Kekilbaevtyń prozalyq shyǵarmalarynyń sahnalanǵany, onyń ishinde ózge tilderge aýdarylǵany tym az bolǵandyqtan ózge el teatrlaryna bıylǵy festıvalge óz repertýaryndaǵy ulttyq jáne klassıkalyq qoıylymdarmen qatysýǵa ruqsat etildi.
Festıvalge qazaq sahnasynyń abyzy Asanáli Áshimov bastaǵan qazylar alqasy tórelik etti. Onyń quramynda: Ázirbaıjannan Israfıl Israfılov, Qazaqstannan Serdesh Qajymuratov, Erkin Jýasbek, Nurken Óteýil, Ádil Ahmetov, Medǵat Ómirálıev syndy belgili sahnagerler, teatr synshylary men qaıratkerleri bar. Ádil qazylar alqasynyń ortaq sheshimderi boıynsha:
Festıval laýreaty – Muhtar Áýezov atyndaǵy Qazaq Memlekettik akademııalyq drama teatry Ábish Kekilbaevtyń aýdarmasyndaǵy Anton Chehovtyń «Súıikti meniń aǵataıym» dramasyn úzdik sahnalaǵany úshin marapattaldy.
Festıval laýreaty – Nurmuhan Jantórın atyndaǵy Mańǵystaý oblystyq mýzykalyq drama teatry Ábish Kekilbaevtyń «Kúı» qoıylymyn úzdik sahnalaǵany úshin marapattaldy
Festıval laýreaty – J.Aımaýytov atyndaǵy Pavlodar oblystyq qazaq mýzykalyq drama teatry Ýılıam Shekspırdiń Ábish Kekilbaev aýdarmasyndaǵy «Korol Lır» tragedııasyn úzdik sahnalaǵany úshin marapattaldy.
Festıval laýreaty – Horezm oblystyq mýzykalyq drama teatry Iýnýs Iýsýpovtyń «Ǵashyq Ǵarıb pen Shohsanam» mýzykalyq dramasyn úzdik sahnalaǵany úshin marapattaldy.
Festıval laýreaty – Lebap velaıatynyń Seııtnazar Seıdı atyndaǵy Memlekettik mýzykalyq drama teatry Shókrat Masharıpovtyń «Daıahatyn» dramasyn úzdiksahnalaǵany úshin marapattaldy.
Festıval laýreaty – Kamol Hýdjandı atyndaǵy mýzykalyq komedııa teatry Sh.Boshbekovtyń Moler pesasynyń jelisimen «Letaıýıı lekar» komedııasyn úzdiksahnalaǵany úshin marapattaldy.
Festıval laýreaty – Ovanes Abelıan atyndaǵy Vanadzor Memlekettik drama teatry Gabrıel Garsıa Markestiń «Ia prıshla tolko pozvonıt» psıhologııalyq dramasyn úzdik sahnalaǵany úshin marapattaldy.
Festıval laýreaty – Stambýl Memlekettik teatry halyq ańyzy jelisimen «Qorqyt baba» dramasyn úzdik sahnalaǵany úshin marapattaldy.
Festıval laýreaty Geıdar Alıev atyndaǵy Tbılısı Memlekettik Ázirbaıjan kásibı drama teatry Anton Chehovtyń «Aıý» komedııasyn úzdik sahnalaǵany úshin marapattaldy.
Festıval laýreaty – Beleh Savar Barbod teatry Ýılıam Shekspırdiń «Korol Lır» tragedııasyn úzdik sahnalaǵany úshin marapattaldy.