QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen «Asan» fılmi ákesin aqtyq saparǵa shyǵaryp salýǵa jolǵa shyqqan bozbala týraly baıandaıdy.
Esterińizge sala ketsek, byltyr «Asan» fılmi 71-shi Halyqaralyq Kann kınofestıvaliniń Short Film Corner (álemniń qysqametrli týyndylaryna arnalǵan) bólimi aıasynda kórsetilgen bolatyn. Sonymen qatar, 2018 jyly kartına birneshe halyqaralyq kınofestıvalderge qatysyp, kóptegen júldelerge ıe boldy. Atap aıtsaq, Respýblıkalyq «Baıqońyr» festıvalinde «Úzdik akter» júldesimen, Bakýde ótken IH Halyqaralyq Start film festival kınofestıvalinde qazylar alqasynyń arnaıy júldesimen, «Úzdik qysqametrli fılm» nomınaııasy boıynsha «Qulager» júldesimen, Tashkentte ótken «Prolog» kınofestıvalinde arnaıy júldemen jáne Ekaterınbýrg qalasynda ótken XV Halyqaralyq «Kınoproba» kınomektebi festıvalinde qazylar alqasynyń arnaıy júldesimen marapattaldy. Bıyl sáýir aıynda bul kınotýyndy Tatarstannyń astanasynda ótken XV halyqaralyq musylman kınosy festıvaliniń konkýrsyna qatysqan bolatyn.