«Oralman» fılmi týǵan jerinen ketýge májbúr bolǵan, alaıda ondaǵan jyldar ótken soń Aýǵanstannan eline qaıta oralǵan qandastarymyz jaıly baıandaıdy. Shetel kórermenderine bul kınotýyndyny belgili kınodramatýrg, Qazaqstanniń eńbek sińirgen qaıratkeri, fılmniń senarıı avtory Nurlan Sanjar tanystyratyn bolady.
Aıta ketsek, qazaq kınosynyń aptalyǵy sheńberinde «Qazaqfılm» kınostýdııasy shyǵarǵan basqa da fılmder kórsetiledi, olar:
- 29 qazanda rejısser Aqan Sataevtyń «Anaǵa aparar jol» tarıhı dramasy usynylady. Fılmdi Qazaqstannyń eńbek sińirgen qaıratkeri, basty róldi somdaǵan akter Ádil Ahmetov tanystyrady.
- 30 qazanda Satybaldy Narymbetovtyń «Amanat» fılmi kórsetiledi. Tarıhı kınotýyndyny Qazaqstannyń eńbek sińirgen qaıratkeri, basty róldi somdaǵan akter Berik Aıtjanov tanystyrady.
- 31 qazanda shetel kórermenderine Ermek Tursynovtyń «Shal» fılmi usynylady. Fılmdi Qazaqstannyń eńbek sińirgen qaıratkeri, prodıýser Qanat Tórebaı tanystyrady.
Al 1 qarashada Qazaq kınosy aptalyǵynyń jabylý saltanatynda «Aıka» fılmi kórsetiledi. Bul fılmniń kórsetilimine rejısser Sergeı Dvorevoı jáne aktrısa Samal Eslıamova qatysady.
Aıta ketsek, otandyq fılmder Londonnyń eń tanymal VueWest End kınoteatrynda kórsetiledi. Bastalýy saǵat 18:00-de. Kirý tegin.