Qazaqstan Respýblıkasy Memlekettik ortalyq mýzeıi «Baqyt» sándik-qoldanbaly óner ortalyǵymen birlesip 2019 jyldyń 25-qarashasy men 5-jeltoqsan aralyǵynda Qazaqstan Respýblıkasy Tuńǵysh Prezıdenti kúnine oraı «Uly Dalanyń Jeti qyry» maqalasy aıasynda «Ulttyq taqyryptaǵy Natıýrmort» atty Halyqaralyq kórkem shyǵarmalar baıqaýyn ótkizedi.
QR Ortalyq mýzeıi dástúr boıynsha Almaty qalasynyń oqý oryndarymen yntymaqtastyqta kórkem kórmeler toptamasyn jalǵastyrýda. Mýzeıde ótkiziletin is-sharalar óskeleń urpaqty ult tarıhymen, mádenıetpen jáne ónermen tanystyrýǵa, jastardy patrıottyq sezimde, óz halqyna, eline jáne dástúrine qurmetpen qaraýǵa tárbıeleýge baǵyttalǵan.
Kórmeniń maqsaty: oqýshylardyń kórkem shyǵarmashylyǵyn qoldaý, sándik-qoldanbaly ónerdegi baıqaýǵa qatysýshylardyń kásibı daǵdylaryn jetildirý, otandyq jáne álemdik tarıh pen mádenıetke degen qyzyǵýshylyǵyn arttyrý, Qazaqstannyń tarıhı-mádenı murasyn jastar arasynda nasıhattaý, sýretshilerdiń beıneleý jáne qoldanbaly ónerdiń túrli janrlarynda jáne tehnıkalarynda oryndalǵan shyǵarmashylyq jumystaryn kórsetý.
Natıýrmort-sýretshilerdiń shyǵarmashylyǵynda beıneleý óneriniń keń taraǵan janrlarynyń biri. Kórme natıýrmort janrynda pándik álemdi beıneleıtin jumystardy kórsetedi. Akvarel jáne maıly tehnıkadaǵy kórkem týyndylar tamasha; sándik-qoldanbaly óner týyndylary: mataǵa sýret salý – sýyq jáne ystyq batık, kıiz, gobelen; keramıka jáne t. b.
«Ulttyq taqyryptaǵy Natıýrmort» kórmesinde Almaty qalasynyń kórkem óner kolledjderi men joǵary oqý oryndary oqytýshylarynyń 100-den astam shyǵarmashylyq jumystary usynylady. Kórme túrli janrlyq baǵytty – keskindeme, grafıka, músin, sándik-qoldanbaly ónerdi qamtıdy. Ár kartınanyń kompozıııalyq sheshimi – ózindik qoltańbasy, stıli bar sýretshiniń baı ishki rýhanı álemin kórsetedi. Akvarel jáne maıly tehnıkadaǵy tamasha kórkem jumystar; sándik-qoldanbaly óner týyndylary: mataǵa sýret salý – sýyq jáne ystyq batık, kıiz, gobelen, qysh jáne t.b. Baıqaýǵa qatysýshylar arasynda Qazaqstan, Tájikstan, Ózbekstan jáne Reseıden kelgen stýdentterde bar.