Qazaqstan Respýblıkasynyń Prezıdenti Nursultan Ábishuly Nazarbaevtyń jarlyǵymen
«Qazaqfılm» kınostýdııasynyń basshysy Bahyt Qaıyrbekov, sondaı-aq kınostýdııanyń
t.b qyzmetkerleri Natalıa Chernova, Ulbópe Shalabaeva jáne Aleksandr Holodov «Qazaqstan Respýblıkasynyń Táýelsizdigine 25
jyl» atty mereıtoılyq tósbelgimen marapattaldy.
Sondaı-aq, atalmysh marapat elimizdiń egemendigi men áleýmettik-ekonomıkalyq
damýyna, memlekettilikti qurý úshin eleýli úles qosqan Qazaqstan azamattary men
shetel azamattaryna beriledi.
Sonymen qatar, mádenı jáne áleýmettik is
–sharalarǵa qomaqty úles qosqan úshin «Qazaqfılm» AQ vıe-prezıdenti Serik
Jubandyqov, rejısserlar Rústem
Ábdirashev pen Satybaldy Tekeev – «Qurmet» ordenimen marapattaldy.
Áleýmettik jáne qoǵamdyq is-sharalarǵa,
elimizdiń ekonomıkalyq jáne
mádenı damýyna, halyqtar dostyǵy men túsinistikti nyǵaıtý jolynda eren eńbek
etkeni úshin, ataqty akter Quman Tastanbekov pen Dımash Ahımov, prodıýser Tasbolat
Merekenov - elbasymyzdyń atynan berilgen
«Parasat» ordenimen marapattaldy.
II dárejeli «Dostyq» ordenine reseılik
kınematografıst, «Tak slojılıs zvezdy» fılminiń rejısseri Sergeı Snejkın qol
jetkizdi.
Sonymen qatar, qoǵamdaǵy jemisti eńbegi
úshin dybys rejısseri Rýslan Sakıev «Eren eńbegi úshin»
medalimen, Berik Aıtjanov jáne Aldabek Shalbaev, rejısserlar
- Ermek Tursynov pen Ardaq Ámirqulov «Qazaqstannyń eńbek sińirgen qaıratkeri»
ataǵyna ıe boldy.